I Kronika 25 - Labrador Inuttitut Heritage Bible

Imgerpaktut aviktauningit ingmigolingajunut 24 inut.

¹ Davidelo sorsuktuksaksoaᴋattigêllo angajoᴋângit aviksivut kivgartornermut Assafib, Hemaniblo, Jedithuniblo erninginit Harfesijartunik, Psalteriniglo, Cimbeliniglo attortunik kittitaulaukpullo sullijaksanut piniarᴋojaunitik malliklugit.

² Assafib erninginit: Sakur, Josefelo, Nethanjalo, Asarelalo, Assafib erningit aulatitauvlutik Assafemut nipliajokteôlauktomut atannerme.

³ Jedithunemit. Jedithunib erningit tapkoangoloukput: Gedalja, Zorilo, Jesaijalo, Hasabjalo, Matitjalo, tapkoa 6it aulatitauvlutik atâtamingnut Jedithunemut, Harfesijarlutik nallautailauktut, Nalegak ᴋujagilugo nertorlugolo.

⁴ Hemanemit: Hemanib erningit tapkoangolaukput: Bukja Mathanja, Usiel, Sebuel, Jerimot, Hananja, Hanani, Eliatha, Gidalthi, Romamthi-Eser, Jasbekasa, Malloti, Hothir, Mahesiotelo.

⁵ Tapkoa ilûnaita Hemamib ernerivait, atanniub takkojoᴋotingita, Gûdib oᴋausingit attorlugit nertordlertub. Gûdib Heman tunnitsivigilaungmago ernernik 14nik paningniglo pingasunik.

⁶ Tapkoa ilûnaita aulatitauvut atâtamingnut Assafemut, Jeditunemut, Hemanemullo, imgerlutik Nalekab iglungane, Cimbelit, Psalterillo, Harfillo attorᴋassiutilugit, kivgartornerme Gûdib iglungane, taimaluatsiak sorlo atanniub Assafe, Jedithunelo Hemanelo perᴋolaungmagit:

⁷ Tapkoa ᴋatangutingillo ilaliudlugit imgernermik Nalekamut, sungiusimajut ilûnatik 288 ôlaukput.

⁸ Pinniarᴋojaunitiglo imerautigivait adsigêktomik, mingnerpâmut angnerpâmullo, ilinniartitsijomut ilinniartomullo.

⁹ Imeraut sivorlek nallautsivok, Assafekut ilanganut, Josefemut. Aipanga Gedaljamut, ᴋatangutingit erningillo ilaliudlugit, tapkoa 12 ôlaukput.

¹⁰ Pingajoat Sauremut, erningit ᴋatangutingillo ilaliudlugit, tapkoa 12 ôlaukput.

¹¹ Sitamangat Jezrimut, erningit ᴋatangutingillo ilaliudlugit, tapkoa 12 ôlaukput.

¹² Tallimangat Nethanjamut, erningillo ᴋatangutingillo ilaliudlugit, tapkoa 12 ôlaukput.

¹³ Pingasojoat Bukjamut, erningit, ᴋatangutingillo ilaliudlugit, tapkoa 12 ôlaukput.

¹⁴ 7 ingat Jesreelamut, erningit ᴋatangutingillo ilaliudlugit, tapkoa 12 ôlaukput.

¹⁵ 8 ingat Jesajamut, erningit ᴋatangutingillo ilaliudlugit, tapkoa 12 ôlaukput.

¹⁶ 9 ingat Mathanjamut, erningit ᴋatangutingillo ilaliudlugit, tapkoa 12 ôlaukput.

¹⁷ Tallimaujoat Simeimut, erningit ᴋatangutingillo ilaliudlugit, tapkoa 12 ôlaukput.

¹⁸ 11 ingat Asareelemut, erningit ᴋatangutingillo ilaliudlugit, tapkoa 12 ôlaukput.

¹⁹ 12 ingat Hasabjamut, erningit ᴋatangutingillo ilaliudlugit, tapkoa 12 ôlaukput.

²⁰ 13 ingat Subaelemut, erningit ᴋatangutingillo ilaliudlugit, tapkoa 12 ôlaukput.

²¹ 14 ingat Mathitjamut, erningit ᴋatangutingillo ilaliudlugit, tapkoa 12 ôlaukput.

²² 15 ingat Jeremothemut, erningit ᴋatangutingillo ilaliudlugit, tapkoa 12 ôlaukput.

²³ 16 ingat Ananjamut, erningit ᴋatangutingillo ilaliudlugit, tapkoa 12 ôlaukput.

²⁴ 17 ingat Jasbekasamut, erningit ᴋatangutingillo ilaliudlugit, tapkoa 12 ôlaukput.

²⁵ 18 ingat Hananimut, erningit ᴋatangutingillo ilaliudlugit, tapkoa 12 ôlaukput.

²⁶ 19 ingat Mallotimut, erningit ᴋatangutingillo ilaliudlugit, tapkoa 12 ôlaukput.

²⁷ 20 ingat Eliathamut, erningit ᴋatangutingillo ilaliudlugit, tapkoa 12 ôlaukput.

²⁸ 21 ingat Hothiremut, erningit ᴋatangutingillo ilaliudlugit, tapkoa 12 ôlaukput.

²⁹ 22 ingat Gidaltimut, erningit ᴋatangutingillo ilaliudlugit, tapkoa 12 ôlaukput.

³⁰ 23 ingat Mahesiothemut, erningit ᴋatangutingillo ilaliudlugit, tapkoa 12 ôlaukput.

³¹ 24 ingat Romamthieseremut, erningit ᴋatangutingillo ilaliudlugit, tapkoa 12 ôlaukput.