I Kronika 24 - Labrador Inuttitut Heritage Bible

Ajuᴋertuijut ingmigolingatitauningit.

¹ Aroniblo erningita ingmigolingatitauningit, tapkoangolaukput. Aronib erningit tapkoangolaukput: Nadabe, Abihu, Eleasar, Ithamarelo,

² Nadabele Abihulo toᴋoᴋârlaukpûk atâtamingnit, ᴋitorngaᴋalaungilâglo, Eleaserelo, Ithamarelo ajuᴋertuijungorlaukpûk.

³ Davidiblo âkᴋiksorpait imâk: Zadoke, Eleaserib erninginit pijok, Ahimelechelo, Ithamarib erninginit pijok, unurningit sullijaksangillo malliklugit.

⁴ Eleaseriblo erninginit unurnersanik nachvartoᴋalaukpok niaᴋôjunik angutit akkorngane Ithamarib erninginit; âkᴋiksorpaillo imâk: Eleaserib erninginit 16it, angajoᴋangnut atâtamik iglomioᴋatingita akkorngane, 8 illo Ithamarib erninginit atâtamik iglomioᴋatingita akkorngane.

⁵ Imeraumullo âkᴋiksorpait adsigêktomik, angajoᴋaunerôjut ivsornaitome, Gûdiblo angajoᴋâkotingit Eleaserib Ithamariblo erninginit pingmatta.

⁶ Semajablo aglakpâktub Nethaneelib erningata Leviteôjub aglakpait atanniub sângane, angajoᴋaillo Zadokiblo ajuᴋertuijub, Ahimelechiblo Abjatharib erningata, atâtallo angajoᴋaunerôjut ajuᴋertuijut Levitillo akorngane; atâtat angajoᴋaunerôjut ilangat Eleaserekunit imerautigivât, aipangalo Ithamareᴋunit.

⁷ Imeraut sivorlek nallautsilaukpok Jojaribemut, aipanga Jedajamut,

⁸ Pingajoat Harimemut, sitamangat Seorimemut.

⁹ Tallimangat Malchijamut, pingasojoat Mejaminemut,

¹⁰ 7 ingat Hakozemut, 8 ingat Abiamut

¹¹ 9 ingat Jesuamut, 10 ingat Sechanjamut,

¹² 11 ingat Eliasibemut, 12 ingat Jakimemut,

¹³ 13 ingat Hupamut, 14 ingat Jesebeabemut,

¹⁴ 15 ingat Bilgamut, 16 ingat Imeremut,

¹⁵ 17 ingat Hesiremut, 18 ingat Hapizezemut,

¹⁶ 19 ingat Pithajamut, 20 ingat Jeheskelemut,

¹⁷ 21 ingat Jachinemut, 22 ingat Gamulemut.

¹⁸ 23 ingat Delajamut, 24 ingat Maasiamut.

¹⁹ Tagva âkᴋiksortauningat pinniaraksamingnut itterlutik Gûdib iglunganut, illutsitik perᴋojaumajut atâtamingnut Aronemut malliklugit, sorlo Nalekab Israelib Gûdingata perᴋolaungmago.

²⁰ Leviblo erningita asingit tapkoangolaukput: Amramib erninginit Subael. Subaelib erninginit Jedea.

²¹ Rehabjab erninginit Jesia sivorliôlaukpok.

²² Jezeharikunit Slomoth, Slomothib erninginit Jahat.

²³ Hebronib erningit tapkoangolaukput: Jerja sivorlek, Amarja tuglek, Jahesiel pingajoat, Jakmeame sitamangat.

²⁴ Usielib erninga Michaôlaukpok. Michablo erningita ilangat Samireôlaukpok.

²⁵ Michab nukanga Jesiaôlaukpok. Jesiab erningita ilangat Sacharjaôlaukpok.

²⁶ Merarib erningit tapkoangolaukput: Maheli, Musilo, tapsoma erninga Jaesiaôlaukpok.

²⁷ Merarib erningit, erninganit Jaesiamit tapkoangolaukput: Soham, Sakurelo, Ibrilo.

²⁸ Mahelemit Eleasar, tamna erneᴋalaungilak.

²⁹ Kisemit. Kisib erninga Jerahmeeleôlaukpok.

³⁰ Musib erningit tapkoangolaukput: Maheli, Ederelo, Jeremothelo. Tagva Levitit erningit, atâtagijamik iglungit malliklugit.

³¹ Tapkoalotauk imerautigijauvut ᴋatangutingita Aronib ᴋitorngangita saniane, atanniub Davidib Zadokiblo, Ahimelechiblo, atâtallo angajoᴋaunerôjut ajuᴋertuijut Levitillo akkorngane sangine; adsigêktomik imerautigijauvut, ᴋatangut mingnerpâk angajoᴋaunerôjotut atâtat akkorngane.