I Kronika 2 - Labrador Inuttitut Heritage Bible

Jakob Judablo erningit.

¹ Tamadsa Israelib erningit: Ruben, Simeon, Levi, Juda, Isaschar, Sebulon,

² Dan, Josef, Benjamin, Naftali, Gad, Asser.

³ Judab erningit tapkoangovut: Ger, Onan, Sela. Tapkoa pingasut ernetarivait Kanaanemiomit Suab paninganit. Gerele Judab erninga erneriᴋârtanga idluilaukpok Nalekab sângane, tamânna pivlugo toᴋopâ.

⁴ Thamarible ukkoangata erniarivâk tapsomunga, Perez, Seralo; taimâk Judab erningit tallimaungmatta.

⁵ Perezib ernigik tapkoangovûk: Hezron, Hamullo.

⁶ Serable erningit tapkoangovut: Simri, Etan, Heman, Kalkol, Dara. Tapkoa katilugit tallimauvut.

⁷ Karmib erninga Achaneôvok, kiksartitsilauktok Israelitinik, nungutaksaujomik tigusilaurame.

⁸ Etanib erninga, Asarjaôlaukpok.

⁹ Hezroniblo erningit, erniangomajut tapsomunga, tapkoangovut: Jerameel, Ramelo, Kalubailo.

¹⁰ Ramiblo Aminadabe ernetariva. Aminadab Nahasson ernetariva, angajoᴋaulauktok Judakunut.

¹¹ Nahassonib Salma ernetariva. Salmab Boase ernetariva.

¹² Boasib Obed ernetariva. Obedib Isai ernetariva.

¹³ Isaiblo Eliabe ernine erneriᴋârtane ernetariva, Abinadabelo tuglek, Simealo pingajoat,

¹⁴ Nethaneelelo sitamangat, Raddailo tallimangat,

¹⁵ Ozemelo pingasojoat, Davidelo 7 ingat.

¹⁶ Tapkoalo najakit tapkoangovûk: Zeruja Abigailelo. Zerujab erningit tapkoangovut: Abisai, Joabe, Asahelo, tapkoa pingasut.

¹⁷ Abigailible Amasa erniariva. Amasable atâtanga Jetereôlaukpok. Ismailib kinguvânginit pijok.

¹⁸ Kalelo Hezronib erninga ernetârpok Asubamit nuliaminit, Jerigotemillo; tamadsalo tapsoma (Asubab) erningit: Jeser, Sobabelo, Ardonelo.

¹⁹ Asubale toᴋongmat, Kaleb Efrate nulianikpa; tapsoma Hur erniariva tapsomunga.

²⁰ Hurib Uri ernetariva, Uriblo Bezaleel ernetariva.

²¹ Kingorngane Hezronib Machirib Gileadib atâtangata pania innangaᴋattigiva; nulianikpalo jâriᴋarlune 60ginik; tapsomalo Segube erniariva tapsomunga.

²² Segublo Jair ernetariva, tamna iglugasaksoaᴋalaukpok 23ginik Gileadib nunangane.

²³ Tiguvaillo Gesur, Aramelo, Jairiblo iglugasangit, tappilugillo Kenat aiparusingillo, iglugasaksuit 60git. Tapkoa ilûnaita Machirib Gileadib atâtangata ernerivait.

²⁴ Hezronelo toᴋolauᴋârmat Kale Efratame, nuliagata Abiab erniariva tapsomunga Ashur, Tekoab atâtanga.

²⁵ Jerameeliblo Hezronib erneriᴋârtangata erningit, tapkoangolaukput: Sivurlek Ram, Bunalo, Ozemelo, Ahjalo.

²⁶ Jerameelo nulliaᴋalaukpok sulle asianik, Ataramik atelingmik, tamna anânauvok Onamemut.

²⁷ Ramiblo Jerameelib erneriᴋârtangata erningit tapkoangolaukput: Maaz, Jaminelo, Ekerelo.

²⁸ Onamiblo ernigik tapkoangolaukpûk: Samai, Jadalo. Samaiblo ernigik tapkoangolaukpûk: Nadabe, Abisurelo.

²⁹ Abisuriblo nuliaga ateᴋalaukpok Abihailemik, tapsoma erniarivak tapsomunga Achban, Molidelo.

³⁰ Nadabiblo ernigik tapkoangovûk: Seled, Appaimelo; Seledelo toᴋovok ᴋitorngaᴋarane.

³¹ Appaimiblo erninga, Jeseiôvok. Jeseib erninga Sesaneôvok; Sesanib erninga Ahelaiôvok.

³² Jadable Samaib nukangata ernigik tapkoangovûk: Jeter, Jonathanelo. Jeterelo toᴋovûk ᴋitorngaᴋarane.

³³ Jonathaniblo ernigik tapkoangovûk: Pelet, Sasalo. Tagva Jerameelib erningit.

³⁴ Sesanele erneᴋarane paneᴋalaukpok. Sesanelo kivgaᴋalaukpok Egiptenemiomik, Jarhamik atelingmik.

³⁵ Sesaniblo Jarha kivgane tunnitsivigiva paniminik, nuliangoᴋovlugo tapsomunga, tapsoma erniariva tapsomunga Atai.

³⁶ Ataiblo ernetariva Nathan. Nathaniblo ernetariva Sabade.

³⁷ Sabadiblo ernetariva Eflal. Eflaliblo ernetariva Obed.

³⁸ Obediblo ernetariva Jehu. Jehublo ernetariva Asarja.

³⁹ Asarjablo ernetariva Halez. Haleziblo ernetariva Elleasa.

⁴⁰ Elleasablo ernetariva Sissemai. Sisemaiblo ernetariva Sallume.

⁴¹ Sallumiblo ernetariva Jekamia. Jekamiablo ernetariva Elisama.

⁴² Kaleblo Jerameelib nukangata erningit tapkoangovut: Mesa erneriᴋârtanga, tamna Sifib atâtagiva, Maresablo Hebronib atâtangata erningit.

⁴³ Hebroniblo erningit tapkoangovut: Kora, Tapualo, Rekemelo, Samalo.

⁴⁴ Samablo ernetariva Rahame, Jarkaamib atâtanga. Rekemib ernetariva Samai.

⁴⁵ Samaib erninga ateᴋalaukpok Maonemik. Maoniblo Betzur erneriva.

⁴⁶ Efablo Kaleb panervgangata erniarivait Haran, Mozalo, Gaseselo. Haraniblo Gases ernetariva.

⁴⁷ Jadaiblo erningit tapkoangovut: Rekeme, Jothamelo, Gesanelo, Peletelo, Efalo, Saafelo.

⁴⁸ Maechable Kaleb panervgangata erniarivak Seber Tirhenalo.

⁴⁹ Erniarivaglo Saaf, Madmânnab atâtanga, Sevalo, Machbenab, Gibeablo atâtangak. Kaleblo pania Achsaulaukpok.

⁵⁰ Tamadsa mânna Kaleb erningit: Hur, erniangoᴋârtok Efratemit; Sobal, Kiriatjearimib atâtanga;

⁵¹ Salma, Bethlehemib atâtanga; Haref, Bethgaderib atâtanga.

⁵² Sobalelo Kiriatjearimib atâtanga, erneᴋalaukpok: Haroemik, Hazimiglo, Hamenuhotemiglo.

⁵³ Kinguvarêllo Kiriatjearimemit pijut tapkoangovut: Jethemiut, Putemiullo, Sumatemiullo, Mizraimiullo. Tapkonangallo pilaukput, Zaregamiut, Esthaholemiullo.

⁵⁴ Salmablo erningit Bethlehemeôvok, Netofatemiullo, Atarot, Beth Joab, Mânnatemiullo ketterᴋangit Zaraitemiojut.

⁵⁵ Aglakpaktullo Jabezeme nunaᴋalauktut kinguvarêngit tapkoangovut, Tireatemiut, Simeatemiullo, Suchatemiullo. Tagva Kiniterit Hamatemit pimmajut, Bethrechab atâtanganit.