I Kronika 16 - Labrador Inuttitut Heritage Bible

Davidib tuksiarutingit angernerub iklervingata angeraujauninga pivlugo. Kivgartornerub Gûdemik âkᴋiksortauninga.

¹ Gûdiblo iklervinga ittertinamitsuk, illivât tuppiub Davidib tuppertorlauktangata tapsomunga illuanut, tunnijilutiglo tunnergutinik ôtaksanik, ᴋujalijutiksaniglo Gûdib sângane.

² Davidiblo tunergutit ôtaksat, tunergutillo ᴋualijutiksat tunijarêramigit, inugasaksuit saimartipait Nalekab atingane.

³ Aitortuilunelo ilûnainik Israelitinik, tamangnik angutinik arnaniglo, attunit niaᴋojârsungmik abvaᴋomiglo nerᴋemik, Weinemiglo ôktut tattalugo.

⁴ Nalekablo iklervingata sânganut Levitit ilangit pitipait kivgartornermut (illingajuksat), Nalegak Israelib Gûdinga opigilugo, ᴋujagilugolo, nertorlugolo piᴋovlugit.

⁵ Tapkoa Assaf sivurlek, Sacharja tuglek, Jejello, Semiramotelo, Jehiello, Matitjalo, Eliabelo, Benajalo, Obed Edomelo, Jehello, Psalterinik, Harfiniglo attorlutik; Assafible Cimbele nippeᴋortôjok attorlugo.

⁶ Benajable, Jehasieliblo Trompete attutsainarpâk Gûdib angerningata iklervingata sângane.

⁷ Taipsomane Davidib Nalegak ᴋujagijauᴋoᴋârpa Assafekut, ᴋatangutingittigullo:

⁸ Nalegak ᴋujagisiuk, atinga oᴋalautigisiuk, pinniarningit nallonairtisigik inuᴋattigêksoarnut.

⁹ Imgervigisiuk, nipliajunik attorutigisiuk, tattamnartulliningillo tamaita tuksiaruselliorutisigik.

¹⁰ Atinga heiligeôjok nertorsiuk. Tapkoa Nalekamik ᴋennertut ommatingit ᴋuviasulerlit.

¹¹ Nalegak, apperᴋutigisiuk, pitsartuningalo, kênanga ᴋenitsainarsiuk.

¹² Tattamnartulliningit pinniarlauktangit erᴋarsigik, tattamnartulliningit oᴋausingillo.

¹³ Ilipse, kinguvangojose Israelemut tapsoma kivganganut, ilipse ᴋitorngaujose Jakomut annerimajangit.

¹⁴ Tamna Nalegauvok Gûdivut, erᴋartuivok silaksoarme ilûnâne.

¹⁵ Angerninga erᴋaumatsainarsiuk soraijuitomik, oᴋautsit perᴋolauktangit kinguvarênut tausendinut,

¹⁶ Angernerilauktanga Abrahamut, oᴋarmaringningalo Isaangmut;

¹⁷ Pitipâlo tamânna Jakomut malligeksauᴋovlugo, Israelemullo angernermut soraijuitomut,

¹⁸ Oᴋarlaukporlo: Igvit Kanaanib nunanganik tunnitsivigijomavagit, imerautipse kingormgutijanganut;

¹⁹ Ikkitotillugit kêtautilugillo tujormiangotilugillo nuname.

²⁰ Nûlerlaukpullo inuᴋattigêksuit ilanganit asianut, atanniovillo ilanganit inuᴋattigêksoarnut asinginut.

²¹ Oᴋumaiksartitauᴋolaungilait kinamullonêt, atannîllo pitlarpait pivlugit.

²² Mingoartakka aktorniarasigik, nallautaijoᴋotikkalo idluitulliviginiarnagit.

²³ Nunaujose ilûnase Nalegak imgervigisiuk, piuliklerninga akpautigisiuk uvlut tamaita.

²⁴ Unipkaritse ânanaudlarninganik nallojut akkorngane, tattamnartullininginiglo inuᴋattigêksuit akkorngane!

²⁵ Nalegak angijoksôngmat, nertornartoksôlarmelo sivuranaluarporlo Gûdinit tamainit.

²⁶ Nallojut ilûnamasiatik Gûdingit Gûdingoangongmatta, Nalekable ᴋilak sanalaukpâ.

²⁷ Ananauneᴋarpok, pinarnarneᴋarlarmelo tapsoma sângane, tattamnadlartuniglo ᴋuvianadlartuniglo illuseᴋarpok tapsoma inningane.

²⁸ ᴋaitsileritse Nalekamut inuᴋattigêksoangojose, ᴋaitsileritse Nalekamut nertortaunermik opigijaunermiglo.

²⁹ ᴋaitsileritse Nalekab atinganut nertordlernermik; pilliutit ᴋailersigik, sangeriartorlugolo, Nalegarlo tuksiarvigisiuk ivsornainerub ânanaudlarningane.

³⁰ Silaksoarmiut ilûnamasiatik sivuragilitsuk; Tapsoma nuna âkᴋiksorlaukpa aulaᴋonnago.

³¹ ᴋilak ᴋuviasugle, nunalo serridlarle; oᴋautaulelo inuᴋattigêksuit akkorngane Nalegak atanniôtingmat.

³² Immarbiksoak iktullijarle takkamanêtullo; perorsêvit ᴋuviasuglit, tamaitalo tapkonanêtut.

³³ Napârtullo ilûnatik nappartunêtut igiaᴋomijarᴋogisigik Nalekab sângane, tikkilermat nuna erᴋartoromavlugo.

³⁴ Nalegak ᴋujagisiuk ilannâᴋarmat, saimarsainingalo sorairniatsengimat.

³⁵ Oᴋaritselo: Ikajortigut Gûde piulijivut, katitilutalo piulitigullo nallojunit, attit heiligeôjok ᴋujagilugo, igvillo nertorlutit piᴋovluta.

³⁶ Nalegak Israelib Gûdinga nertortaule isoᴋangitomit isoᴋangitomut, inugasaksuillo ilûnatik oᴋarlit: Amen, Nalegarlo nertorlitsuk.

³⁷ Taimâk Nalekab angerutingata iklervingata sânganêtsainarᴋovait Assaf ᴋatangutingillo, kivgartutsainarᴋovlugit iklerviub sângane uvlut tamaita.

³⁸ Obed Edomele ᴋatangutingillo 68 git, Oded Edomelo, Jedithunib erninga Hossalo udsertortungortipait upkoaksoarnik.

³⁹ Zadokelo ajuᴋertuijok, ᴋatangutingillo ajuᴋertuijut Nalekab iglungata poktojomêtub Gibeame sânganetuarᴋovait,

⁴⁰ Uvlut tamaita tunnijiᴋovlugit Nalekamut tunnergutinik ôtaksanik, Altarib tunnergutiksanut ôtaksanut ilingajub ᴋângine, uvlarme unnungmelo, sorlo aglaksimangmat Nalekab perᴋojangine, Israelitinut perᴋolauktangine.

⁴¹ Tapkoalo ilagilugit Heman, Jeditunelo, annerijaujullo asingit attermikut taijaumalauktut, Nalegak ᴋujagilugo pitsiarninga sorainiatsangimat.

⁴² Ilagilugillo Heman, Jeditunelo, Trometit Cimbelilo Gûdiblo noᴋakseralingningit attorlugit. Jeditunible erningit udsertortungortipait upkoaksoarnik.

⁴³ Taimâk inugasaksuit ilûnatik attunît angerarput iglomingnut; Davidelo sanguvoktauk iglomioᴋattine saimartitsomavlugit.