I Kronika 15 - Labrador Inuttitut Heritage Bible

Angersimanerub iklervingata âtauninga Jerusalemut.

¹ Igluniglo iglugasalliorpok ingminut Davidib iglugasaksoangine, Gûdiblo iklervinga inniksalliorpâ, tuppektorpâlo.

² Taipsomane Davide oᴋarpok: Gûdib iklervinga Levitit asinginut akkigartaujuksaungilak; tapkoa Nalekab annerilaungmagit Nalekab iklervinga akkigarlugo piᴋovlugit, kivgartorᴋovlugillo tapsominga soraijuitomik.

³ Davidiblo Israelitit ilûnamasiangit kattiᴋovait Jerusalemut, Nalekab iklervinga takpaungartilugo piᴋovlugit, inniksamut âkᴋiksortauᴋolauktanganut tamna pivlugo.

⁴ Davidiblo katiᴋovait Aronib erningit, Levitillo.

⁵ Kahatib erninginit, Uriel, angajoᴋaunerôjok, ᴋatangutingillo ilagilugit 120 git;

⁶ Merarib erninginit Assaja, angajoᴋaunerôjok, ᴋatangutingillo ilagilugit 220 git;

⁷ Gersomib erninginit, Joel angajoᴋaunerôjok, ᴋatangutingit ilagilugit 130 git.

⁸ Elizafanib erninginit Semaja angajoᴋaunerôjok, ᴋatangutingit ilagilugit 200 dit;

⁹ Hebronib erninginit, Eliel angajoᴋaunerôjok, ᴋatangutingit ilagilugit 80 git.

¹⁰ Usielib ᴋitornganginit Aminadabe angajoᴋaunerôjok, ᴋatangutingit ilagilugit 112 it.

¹¹ Davidiblo ᴋaikᴋovait, Zadoke, Abjatharelo, ajuᴋertuijuk; Levitillo, Uriel, Assajalo, Joello, Semajalo, Elielelo, Aminadabelo;

¹² Oᴋautivaillo: Ilipse angajoᴋaunerôvose kinguvarênut Levitinut, tagva mânna sujungaititse ilipsingnik ᴋatangutipsingniglo, Nalekab Israelib Gûdingata iklervinga takpaungartilugo piᴋovluse, tagvunga inniksaliorlauktamnut tapsomunga;

¹³ Sivurnganele ilipse pilaunginase, Nalegak Gûdivut ᴋopaᴋartitsilaukpok akkonaptingne, tamânna pivlugo ᴋennerlaunginaptigo sorlo pijariaᴋarmat.

¹⁴ Tagva ajuᴋertuijut Levitillo sujungaitiput, Nalebab Israelib Gûdingata iklervinga takpaungartilugo piᴋovlugit.

¹⁵ Leviblo ᴋitorngangita Gûdib Nalekab iklervinga akkigarpât ikkautingnut erksuklugo, sorlo Mosese perᴋojilaungmat Nalekab oᴋausingit malliklugit.

¹⁶ Davidelo Levitit angajoᴋânginut oᴋarpok, ᴋatangutitik, imgerpaktut ᴋaikᴋolugit, noᴋakseralijarlutik, Psalterilijarlutiglo, Harfelijarlutiglo, Cimbelijarlutiglo piᴋovlugit, imgerᴋovlugillo nippeᴋortojomut ᴋuviasuklutik.

¹⁷ Tagva Levitit Heman Joelib erninga ᴋaiᴋovât; ᴋatangutinginillo, Assaf, Berechjab erninga; Merariblo ᴋitornganginit ᴋatangutinginit Ethan, Kusajab erninga;

¹⁸ Ilagellugillo ᴋatangutingit tuglit, Sacharja, Ben, Jaesiel, Semiramot, Jehiel, Unni, Eliab, Benaja, Maeseja, Mathitja, Elifelela, Mikneja, Obed Edom, Jehiel, upkuanik udsertortut.

¹⁹ Imgerpaktut Heman, Assaf, Ethanelo perᴋojauvut Cimbelit, kannujarmit sanamajut nippeᴋortojullo attorlugit,

²⁰ Sacharjalo, Assielo, Semiramotelo, Jehielo, Unilo, Eliabelo, Maesejalo, Benajalo, Psalterit attorlugit ingiorlugit;

²¹ Matitjale, Elifelejalo, Miknejalo, Obed Edomelo, Jejello, Assasialo Harfesijarlutik imgerᴋârᴋovlugit.

²² Kenanjalo Levitit angajoᴋangat aulatsijok imgernermik, ilinniartitsiᴋovlugo tapkoninga imgernermik, silatudlarmat.

²³ Berechjalo, Elkanalo, udsertorteolaukpûk iklerviub upkoanganik.

²⁴ Sebanjalo, Josafatelo, Nethaneelelo, Amasailo, Sacharjalo, Benajalo, Elieserelo ajuᴋertuijok tiptulausijarlaukput Gûdib iklervingata sivurngane; Obed Edomelo, Jehialo udsertorteolaukput iklerviub upkoanganik.

²⁵ Taimâk Davide angajuklîllo Israeleme, angajoᴋaillo 1,000 dinut aivut Nalekab angerutingata iklervinga aijomavlugo takpaunga Obed Edomib iglunganit, ᴋuviasuklutik.

²⁶ Gûdiblo Levitit Nalekab angerutingata iklervinganik akkigartut ikkajormagit, tunnergumik tunnijivut tuktuvângnik 7 nik sauganiglo angusâllungnik 7 nik.

²⁷ Davidelo atisimalaukpok ullingmik sâtomik, taimâktauk Levitit iklervingmik akkigartut, imgertullo, Kenanjalo, imgertunik aulatsijok, imgertut akkorngane, Davidelo atisimalaurivoktauk silapamik sâtomik.

²⁸ Taimâk Israelitit ilûnamasiangita Nalekab angerutingata iklervinga takpaungartipât, igiaᴋomijarlutik, tiptulausijarlutiglo, Trompetesijarlutiglo, Cimbelisijarlarmiglo nipperᴋortojunik, Psalteresijarlutiglo, Harfesijarlarmiglo.

²⁹ Nalekab angerutingata iklervinga mânna Davidib iglugasaksoanginut tikkilermat, tagva Michal, Saulib paninga nuitavok igalâkut, takkovâlo atannek Davide ᴋiggertartillugo, oᴋigêsertillugolo Harfesijartillugolo, nachogivâlo ommatimigut.