I Kronika 12 - Labrador Inuttitut Heritage Bible

Davidemut tikkitut Ziklagemut atingit.

¹ Tapkoangovulle Davidemut tikkitut Ziklagemut, allingitariaᴋartillugo sulle Saulemik, Kisib erninganik. Sôngojullo akkornganêlaukput, ikkajorteolutiglo unatadlarnerme,

² Pittiksertut, sappingitullo ujarᴋanik illoerearlutik, ᴋargjutiniglo pittiksautjilutik aggangnut tallerpingnut saumingnullo. Saulib ᴋatangutinginit Benjaminekunit pijut;

³ Pijariaᴋortonerpâk Ahieser, Joaselo, Samaab, Gebeamiub ernigik; Jesiel, Peletelo, Asmavetib ernigik; Baracha, Jehulo Antotemiok.

⁴ Jesmaja Gibeonemiok, angutaudlartok 30 git akkorngane, angajoᴋaujorlo 30 ginut. Jeremia, Jahesiel, Johanan, Josabad Gederamiok.

⁵ Eleasai, Jerimot, Bealja, Samarja, Safatja Harochetemiok.

⁶ Elkana, Jesijalo, Asareelo, Joeserelo, Jasabeamelo, Korakut,

⁷ Joela, Sabadjalo, Jerohamib ernigik, Gedoremiub.

⁸ Gadekunit apterput Davidemut ᴋairosungmut sunaᴋajuitometomut, sôngojut sorsugungnartullo sappulutalijartut, ᴋallugialijartullo, tautuᴋalauktut Loewetut, tuktungajutitullo ᴋakᴋanêtutitut sukkalijutigijut.

⁹ Sivorlek Eser, tuglek Obadja, pingajuat Eliabe,

¹⁰ Sitamangat Masmânna, tallimangat Jeremja,

¹¹ Pingasojoat Athai, 7 ingat Eliel,

¹² 8 ingat Johanan, 9 ingat Elsabad,

¹³ Tallimaujoat Jeremja, 11 ingat Machbanai.

¹⁴ Tapkoa Gadib erninginit, angajoᴋait sorsuktuksanut, mikkinerpâk 100 dinut, angnek 1,000 dinut.

¹⁵ Tapkoangovut ikᴋârlauktut Jordanemik takᴋit sivorlerpângane ulliksimatillugo sikjamingne tamangne, ᴋemâtitsijullo naksarmiunik tamainik, taununga paungalo.

¹⁶ Tikkitoᴋalaukporletauk Davidemut ᴋairosungmut Benjaminib Judablo ᴋitornganginit.

¹⁷ Davidible annivigivait, kiolugillo oᴋautivait: Ullapirsainarluse tikkikupse ikajoromavlunga, tagva ommatima ilagijaksarivâse; tikkikupsele pingitsertorluse akkerartoromavlunga, idluineᴋangimarigalloartillugo uvamne, tagva atâtagijapta Gûdingata takkoliuk, tamânna pitlarlugo.

¹⁸ Annerneruble angajoᴋaunerôjok Capitanit kajungersarpa, oᴋarporlo: Igvit pigivaptigut Davide, igvillo Isaib erninga illigivaptigit! Ullapirsauteᴋarit, ullapirsauteᴋarit! Ullapirsauteᴋarlit ikkajortitit! Gûdivit ikkajormatit. Tagva Davidib ilaliorpait, angajoᴋangortipaillo sorsuktuksanut.

¹⁹ Mânnassekunillo, Davidemut tikkiput, tikkitillugo Filisterit ilagilugit Saule unatadlarvigijomavlugo, ikkajornagille. Filisterit angajoᴋaksoangita ᴋakᴋimiolerlauᴋârlutik aularᴋolaungmatsuk, oᴋarlutiglo: Angajoᴋane Saule illigingâruniuk tagva niaᴋoêjartaujungnarajarpogut.

²⁰ Ziklagemut ailertillugo mânna Mânnassekunit tikkiput tapsomunga, Adna, Josabad, Jedjael, Michael, Josabad, Elihu, Ziltai, niaᴋôjut 1,000 dinut Mânnassekune.

²¹ Tapkoalo Davide ikkajorpât arktaijut akkerartorlugit; ilûnatik sôngudlarlaungmatta angutaudlarlutiglo. Capitangortitaulutiglo sorsuktuksanut.

²² Uvlut tamaita tikkitoᴋalaukpok Davidemut ikkajoromavlugo, katimgajoksoangolerᴋârtinagit Gûdib katimgajoksoaᴋotingititut.

²³ Tamadsale niaᴋôjut unurningit oppalungêrsimavlutik sorsungnermut, tikkitut Davidemut Hebronemut Saulib atanniovinga sâtilugo tapsomunga, Nalekab oᴋausingit malliklugit.

²⁴ Judab ᴋitorngangit sappulutalijartut, ᴋallugialijartullo, 6,800 ôlaukput, oppalungêrsimavlutik sorsungnermut.

²⁵ Simeonib ᴋitorngangit sôngojut sorsungnermut 7,100 ôlaukput.

²⁶ Levib ᴋitorngangit 4,600 deôlaukput.

²⁷ Jojadalo angajoᴋaunerôjok Aronekunit ilaᴋarlune 3,700 dinik.

²⁸ Zadokelo inosuktok, sôngojok angutaudlartorlo, atâtame iglomioᴋatingit ilagilugit kapitat 22 git.

²⁹ Benjaminib ᴋitorngangit, Saulib ᴋatangutingit 3,000. Nalliutok taimna tikkidlugo, unurnersat tapkonangat Saulekut ungagivait sulle.

³⁰ Efraimib ᴋitorngangit 20,800 sôngojut anguteôjullo oᴋausiovaktut atâtagijamik iglungine.

³¹ Kinguvarêt Mânnassekut ketterᴋangit 18,000 attermikut taijaulauktut, ᴋaiᴋovlugit Davide atanningortilugo.

³² Isascharib ᴋitorngangit silatojut, attannertuijullo nalliutune tamaine Israelitit pinniaraksanginik kapitat 200 dit; ᴋatangutingillo ilûnamasiatik nâlatsiarlaukput oᴋausinginik.

³³ Sebulonekunit, aulartut, katimgajunut oppalungêrsimavlutik sorsungnermut, sakkulijarlutik sunatuinarnik 50,000 dit, ommatigit nâlatsiartunik.

³⁴ Naftalikunit, kapitat 1,000 dit, tapkoalo ilagilugit sappulutalijartut, ᴋallugialijartullo 37,000 dit.

³⁵ Danekunit oppalungêrsimajut sorsungnermut 28,600 dit.

³⁶ Asserekunit aulartut katimgajunut oppalungêrsimajullo sorsungnermut 40,000 dit.

³⁷ Jordaniblo akkianit, Rubenekunit, Gadekunillo, kinguvarêllo Mânnassekut ketterᴋanginit sakkolijarlutik sunatuinarnik sorsungnermut 120,000 dit.

³⁸ Sorsuktuksat tapkoa ilûnatik sorsungnermik sungiusimajut, tikkiput omamut tamanut Hebronemut, Davide atanningortitsomavlugo Israelitinut ilûnamasianginut. Israelitillo, tapkoa asingittauk atautsemik omateᴋarᴋattigêlaukput Davide atanningortitaujuksaungmat.

³⁹ Tagvanelo uvlivut Davideme pingasunik, nerrilutiglo immerlarmiglo, ᴋatangutingita nerᴋiksalliorlaungmagit.

⁴⁰ Kanninerpâllo avatingine, Isascharekut, Sebulonekullo, Naftalikullo tikkidlugit, ᴋaitsivut niaᴋojanik, siuteᴋoktojune, Kamelinelo, Horseojartunelo, tuktuvângnelo; sanauᴋamiglo, Feiginiglo, Weineliksallo paunganginik panersimajunik, Weinemiglo, orksungmiglo, tuktuvangniglo, sauganiglo unuktunik; ᴋuviasutiksaᴋarmat Israeleme.