I Kronika 11 - Labrador Inuttitut Heritage Bible

Davidib annerijauninganik Israelitinut ilûnainut atannermut; tapsoma sâlaᴋarninganik Jerusalemiunik; tapsomalo sôngojôᴋotingit.

¹ Israelitillo illuêngarlutik kattilerput Davidemut Hebronemut, oᴋarlutiglo: Ahâk sauneᴋattigivaptigit, uvineᴋattigilutillo.

² Sivornganelotauk Saule atanniotillugo, igvit Israelitit aulartilugillo ittertilaukpattit; Nalekablo Gûdivit oᴋautilaukpâtit: Igvit inuᴋotikka Israelitit pairijaksarivattit, atanniojuksaulutillo inuᴋotimnut Israelitinut.

³ Israelitillo angajoᴋaunerôjungit ilûnatik tikkilerput atannermut Hebronemut. Davidiblo angerᴋattigivait Nalekab sângane Hebroneme. Mingoarlugolo Davide atanningortipât Israelitinut, Nalekab oᴋausingit Samuelekut malliklugit.

⁴ Davidelo, Israelitit illuêngarlutik ilagilugit aularpok Jerusalemut, tagva Jebusemut; Jebusiterille nunaᴋalaukput nuname tagvane.

⁵ Jebusemiullo Davide oᴋautivat: Ovunga ittertuksautsangilatit: Davidible Zionib igloksoanga sôngojok aksarnigariva, tagva Davidib iglugasaksoangit.

⁶ Davidelo oᴋarpok: Jebusiterinik sâlaᴋarᴋârtok tamna niaᴋôjuksauvok angajoᴋangortuksaularmelo. Tagva Joabib, Zerujab erningata, majoarᴋârpait, angajoᴋangortitaulunelo.

⁷ Davidible igloksoak sôngojok iglogiva, tamânna pivlugo taijaulaukpok Davidib iglugasaksoanginik.

⁸ Avatânelo iglogasaliorpait iglogasaksuit, Millomit avatânelo ilûnane, Joabible iglugasaksuit amiakungit âkᴋiksorpait.

⁹ Davidelo piganerpok pivallialunelo, Nalekablo Zebaothib aipariva.

¹⁰ Tamadsa angajoᴋait Davidib songojoᴋotingita akkorngane, pitsartutitsilauktut tapsominga atannioningane Israelitit ilûnatik ilagellugit, atanningortitauᴋovlugo Israelitinut, Nalekab oᴋausingit malliklugit.

¹¹ Tamadsalo Davidib sôngojoᴋotingita unurningit: Jasabeame, Hachmonib erninga, pijariaᴋortonerpâk 30 it akkorngane; ᴋallugiaᴋotine ᴋongmuartipa, ullimârpaillo 300 dit atautsekut.

¹² Tapsoma tungâne Eleasareôlaukpok, Dadob erninga, Ahohib erningata, sôngojullo pingasut akkornganelaukpok.

¹³ Tamna Davidemelaukpok Pasdamime, Filisterit katimatilugit tagvane sorsungnermut. Perorsêviᴋalaukporlo tagvane Gerstelingnik; inugasaksuillo Filisterit ᴋemâvait.

¹⁴ Tagva nangeriartorput perorsêviub ᴋerᴋânut piulilâlo, Filisterillo ullimârpait; Nalegarlo sâlaᴋarnermik angijomik tunnijivok.

¹⁵ Tapkoalo pingasut pijariaᴋôrtojunit 30 ginit attersarput ᴋairtomut, Davidemut ᴋairosungmut Adullamemik atelingmut. Filisterillo tangmarvingat nâksarmelaukpok Refaimemik atelingme.

¹⁶ Davidele taipsomane, avaluliorsimajotut îtunelaukpok, Filisterille inugasaksoangit taipsomane tangmarlaukput Bethleheme.

¹⁷ Davidelo ikligosulerpok, oᴋarlunelo: Kia immiksaitoromavânga immektarviub Bethleheme ittertarviub atanêtub iminganit?

¹⁸ Tagva pingasut tapkoa Filisterit tangmarvingat ittârpât, ᴋallulutiglo immermik immektârvingmit Bethlehememêtomit ittertarviub atanêtomit, akjartorpâllo, âlugolo Davidemut. Tapsomale immeromalaungila, kovivâle Nalekamut,

¹⁹ Oᴋarlunelo; Nalekab tamânna ungasiktiliuk uvamnit, taimailiorᴋovlunga, immerlungalo angutit ukkoa aunganik inosingita nangiarnarningane, inosingille nangiarnartomêtillugit tamaungartilaukpât. Tamânna pivlugo immeromalaungilâ. Songojoksuit pingasut tapkoa taimailiorlaukput.

²⁰ Abisailo, Joabib angajua, pijariaᴋortônerpaulaukpok pingasut akkorngane; ᴋallugiaᴋotinelo ᴋongmuartipa ullimârpaillo 300 dit. Oᴋausionginarlaukporlo pingasut akkorngane,

²¹ Opigijaunerpângolaukporlo pingasunit, angajoᴋaulunelo tapkonunga, pingasulle taipkoa sivurlit inorpait.

²² Benaja, Jojadab erninga, Ishailib erningata, Kabzeelemiub pinniarnersoaᴋalauktub. Tapsoma angutik Moabiterik Loewetut-îtuk ullimarpâk; attersarporlo Loewelo toᴋopâ immektarvingme aputeᴋarviane.

²³ Ullimarpâlotauk angut Egiptenemiok tallitut tallimatut takᴋitigijok, tigumiartorlo ᴋallugiarmik aggangminut umiab napârutangatut itomik. Tapsomale attersarlune aivigiva ajaupialijarlune, ᴋallugiarlo tiguva agganginit, nakterlâlo ᴋallugiaᴋotinganut nangminerijanganut.

²⁴ Taimailiorlaukpok Benaja, Jojadab erninga, oᴋausionginarlaukporlo sôngojoksuit pingasut akkorngane,

²⁵ Opigijaunerpangolaukporlo 30 git akkorngane, pingasulle taipkoa (sivurlit) innorpait. Davidiblo atannertuijungortipa ingminut.

²⁶ Songojullo sorsuktuksane tapkoangolaukput: Asahel, Joabib nukkâ. Elhanan, Dodob erninga, Bethlehemiub.

²⁷ Samot, Haroremiok. Helez, Pelonemiok.

²⁸ Ira, Ekeb erninga, Tekoimiok. Abieser, Antotemiok.

²⁹ Sebechai, Husatemiok. Ilai, Ahohitemiok.

³⁰ Maherai, Netofatemiok. Heled, Baenab erninga, Netofatemiub.

³¹ Itai, Ribaib erninga, Gibeamit, Benjaminib ᴋitorngangita iglogasaksoanginit pijub. Benaja, Pirgatonemiok.

³² Hurai, Gaasib kônginit pijok. Abiel Arbatemiok.

³³ Asmavet, Baherumiok. Eliaba, Saalbonemiok.

³⁴ Hasamib Gisonemiub erningit. Jonathan, Sagib erninga, Hararimiok.

³⁵ Ahiame Sacharib erninga, Hararimiok. Elifal, Urib erninga.

³⁶ Hefer, Mecheramiok. Ahia Pelonemiok.

³⁷ Hezro, Karmelemiok. Naerai, Asbaib erninga.

³⁸ Joel, Nathanib ᴋatanguta. Mihebar, Hagrib erninga.

³⁹ Zelek, Amonitereôjok. Naherai, Berotemiok, akjarsijok Joab, Zerujab erningata sakkunginik.

⁴⁰ Ira Jetrimiok. Gareb, Jetrimiok.

⁴¹ Uria, Hetitereôjok. Sabad, Ahelaib erninga.

⁴² Adina, Sisab erninga, Rubenekunit pijok, angajoᴋaujok Rubenekunut, 30 gillo ilagivait.

⁴³ Hanan, Maechab erninga. Josafat, Matonemiok.

⁴⁴ Usia, Asteratemiok. Sama, Jaelelo, Hotamib ernigik, Aroetemiub.

⁴⁵ Jediael, Simrib erninga. Joha, ᴋatanguta, Tizemiok.

⁴⁶ Eliel, Mahevimiok. Jeribai, Josawjalo, Elmaamib ernigik. Jethma, Moabitereojok.

⁴⁷ Eliel, Obed, Jaesiel, Mezobajamit.