I Korintemiunut 3 - Labrador Inuttitut Heritage Bible

Kristûsib tunganartotôninganik.

¹ Uvangalo ᴋatangutikka, ilipsingnut sorlo anernilingnut oᴋâlajungnalaungilanga; uviniliojunulle, Kristûseme nutakᴋanut sorlo (oᴋâlalaukpunga).

² Imungmik imilaukpapse, nerᴋemik pinase; ajorapsiuk taipsomane, sulle mâna ajorivase;

³ Sulle uviniliogapse. Illapsingnik annerutsigapse, aivadlalapselo, akkerartulapselo, uviniliongilasê, inuit ilusinginik atorlusê?

⁴ Ilase oᴋarmat: Pauluse illagivara; assiale: Apolluse ilagivara, uviniliongilasê tagvâ?

⁵ Pauluse kinauvâ? Apolluselo kinauvâ? Kivgauvuk, tâpkungnûna okpertungortitauvose, sorlo Nâlekab atunit tunitsivigilaungmagik.

⁶ Uvanga (perorsiaksanik) ilijilaukpunga, Apolluse imermik kovisilaukpok, Gûdele perortitsilaukpok.

⁷ Ilijijok tagva, imermiglo kovisijok tamarmik sulingilâk, Gûdele perortitsijok kissime.

⁸ Ilijijorle imermiglo kovisijok adsigêkpuk. Tamarmik atunit akkilertaujomârpuk piniarningit maliklugit.

⁹ Gûdib uvagut ikajoᴋatigingmatigut; ilipsele Gûdib perorsêveᴋotigivâse, Gûdiblo igloliarimavâse.

¹⁰ Uvanga tungaviliulaukpunga, igloliortotut silatujotut, Gûdib saimanerminik pingmanga; ᴋânganulle assiga igloliolerpok. Tamattomungale igloliortut ᴋamalerlît ᴋanok igloliormangârmik.

¹¹ Tungavingmik assianik ilijijoᴋarungnangilak ômangat ilimajomit, tagva Jêsuse Kristûsemit.

¹² Tungavingmulle tamattimunga igloliortoᴋarpat goldemik, silberemiglônêt, ujarᴋaniglônêt pivianartunik, ᴋejungmiglônêt, ivingniglônêt, iviksukaniglônêt,

¹³ Ilûnatik sananingit nalonaromâtsangilat; uvlub (tikitsomârtub) sakᴋertitsomârmagit; ikomamut nalonaititaujomârmatta, ilûnatiglo sananingit ᴋanok ilingangmangâta, ikomab ôktoromârpait.

¹⁴ Tamattomunga igloliortub sananinga aulangipat, tâmna akkilertaujomârpok.

¹⁵ Naliatale sananinga ôkpat piksairutjaujomârpok; nangminerle piulijaujomârpok, ikomamut pigalloardlune.

¹⁶ ᴋaujimangilasê Gûdib iglogingmase, Gûdiblo Anerningata inigingmasê?

¹⁷ Gûdib iglunganik asseroijokarpat, tâmna Gûdib asseroromârivâ; ivsornaingmat Gûdib iglunga, tamadja illipse.

¹⁸ Naliat uivêriniarane nangminerminik; illase silatonasugigune nangminerminik, tâmna silaitungorle silame tamattomane, silatolerᴋovlugo.

¹⁹ Silaksûb mattoma silatuninga silainiongmat Gûdib sângane. Aglaksimangmat: Silatojut tâpsoma anguvait silatuningine.

²⁰ Amatauk: Silatojut erᴋarsautingit Nâlekab ᴋaujimavait, piungitoksôngmatta.

²¹ Taimaimat kinalônêt inungmik nertûteᴋarniarane. Tamaita pigigapsigik,

²² Pauluselônêt, Apolluselônêt, Kêfaselônêt, silaksoarlônêt, inônerlônêt, toᴋonerlônêt, naliusimanerlônêt, naliutsomârnerlônêt; tamaita pigivase.

²³ Ilipsele Kristûsib pigivâse; Kristûsele Gûdib pigivâ.