I Johannesib 5 - Labrador Inuttitut Heritage Bible

Naglingneᴋ okpinimit pivoᴋ. Okpinirub tungavinganik. Tuksiarnimik.

¹ Naliat Jêsusib Kristusioninganik okpitoᴋ, Gûdemit erniangovoᴋ. Tâpsomingalo ernitârtomik nagligosuktub, tâpsomangat erniangojoᴋtauᴋ nagligigivâ.

² Mattomangat ᴋaujivogut, Gûdib ᴋitorngangit nagligigaptigik, Gûde nagligiguptigo piᴋojangillo malikuptigik.

³ Gûdemik naglingniᴋ tamadja, piᴋojangit malikaptigik; piᴋojangillo ajornangilat.

⁴ Gûdemit erniangojut ilûnatik silaᴋsûb inunginut ajugaungmatta; okpinivullo ajugauniovoᴋ silaᴋsûb inunginut.

⁵ Silaᴋsûbli inunginut kina ajugauvâ, kissimi Gûdib Jêsuse erneringmago okpertoungitôᴋ?

⁶ Tâmna tagva, tikitoᴋ imimiglo aungmiglo pivluni, Jêsuse Kristuse; imimik kissianeungitoᴋ, imimigli aungmiglo (pivoᴋ). Anernerlo tâmnauvoᴋ nalonaijaijoᴋ, Anerneᴋ miksiᴋârniongmat.

⁷ Pingasôngmatta kigligiutsijut (ᴋilangmi: Atâta Oᴋauserlo, Anernerlo ajunginiᴋ; pingasullo tâpkoa atausiovut.

⁸ Pingasuttauᴋ kigligiutsivut nunami): Anerneᴋ imilo, auglo; pingasullo tâpkoa atautsimut pivut.

⁹ Inuit kigligiutsiningit okpiriguptigik, Gûdib kigligiutsininga anginisauvoᴋ; Gûdib kigligiudsininga tamadja Ernerminik kigligiutsilaurami.

¹⁰ Gûdib Erninganut okpitub kigligiutsiniᴋ tamanna ilumiutarivâ. Naliata Gûde okpiringikuniuk, saglotunirarpâ, kigligiutsiniᴋ okpiringinamiuk, Gûdib kigligiutsininga ernerminik.

¹¹ Tamadjalo kigligiutsiniᴋ, inôtsimik nâksaungitomik Gûdib tunitsivigingmatigut; inôsilo tamanna Erninganêpoᴋ.

¹² Gûdib Erninganik piᴋartoᴋ, inôtsimik piᴋarivoᴋ; Gûdib Erninganik piᴋangitoᴋ, inôtsimik piᴋanginivoᴋ.

¹³ Tamattominga aglagvigilauᴋpapsi okpertosi Gûdib Erningata attinganut, ᴋaujimaᴋovlusi, nâksaungitomik inôsiᴋarapsi, okpiᴋovluselo Gûdib Erningata attinganut.

¹⁴ Tamadjalo sungitûtiksavut tâpsomunga, sumiglônêt tuksiarangapta idluarijanganik, tussângmatigut.

¹⁵ Kaujimagaptalo, tussângmatigut, sumiglônêt ᴋinugupta, ᴋaujimavogut, pijomajavut tâpsomangat pingmigaptigo.

¹⁶ Naliata ᴋatangutini idluitulitilugo takoguniuk, idluitulingipat toᴋonartomik, tâmna tuksiarli; tagva (Jêsuse) tunijiniarpoᴋ inôtsimik taipkonunga, toᴋonangitomik idluitulilauᴋtunut. Idluiniᴋarpoᴋ toᴋonartomik, tamanna pivlugo tuksiartoᴋarᴋovlugo oᴋangilanga.

¹⁷ Idluitut tamaita ajorniovut, idluituliniᴋarporlo toᴋonangitomik.

¹⁸ Kaujimavogut, Gûdemit erniangojoᴋ idluitulingimat; Gûdemille erniangojoᴋ ingminik udjitorpoᴋ, ajortublo (Sâtanasib) aktorniangilâ.

¹⁹ Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.

²⁰ Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

²¹ Kitorngârsuit, Gûdeungitut alarsigik. Amen.