Imgerut 95 - Labrador Inuttitut Heritage Bible

Gûdib niplianinga Inuit ômattinginnut.

¹ ᴋailauritse, erᴋiêrtorluta Nâlegak nertorlavut, piulijauniptalo ᴋairtunga igiaᴋomijarvigilavut.

² ᴋujaliluta kênangata sânganut tiᴋᴋilerta, imgerutinnullo igiaᴋomijarvigilavut.

³ Nâlegak Gudeôjoksôngmat, attannersoangôlunelo Gûdinut tamainut.

⁴ Nunab illua tâpsoma agganginêmat; ᴋaᴋᴋallo pôktoningit perᴋutigivait.

⁵ Imarbik perᴋutigivâ, tâpsomalo sannalaukpâ, aggangita ipterilingajok âᴋilaukpât.

⁶ ᴋaititse, opigosukta, sêrkortorlutalo, pâmakterlutalo Nâlekab sannajipta sângane.

⁷ Tâmna Gûdigigaptigo, pairilutalo innuᴋutigivâtigut, aggangitalo saugaᴋutigivâtigut. Uvlome nippinga tussarupsiuk,

⁸ Omattise mangaitinassigik, sorlo Meribame pijoᴋalaungmat, sorlolo Massame sunaᴋajuitome;

⁹ Atâtagilauktapse ôktulaungmanga, nautsertulaukpânga, pinniarnimnik takkogallorlutik.

¹⁰ Jârinnik 40ginnik innuᴋattigêt taipkoa ᴋuvianailijutigilaukpakka, oᴋarlungalo: Inûvut ômattiggit apᴋome tammarnartome arvertaromatsainartunnik; apᴋosinikkalo illiniaromalaungilait.

¹¹ Ningarlunga oᴋamarilaurama: Merngoêrservimnut tikkituksaungilat.