Imgerut 93 - Labrador Inuttitut Heritage Bible

Gûdib nâlegauvingata ânanaudlarninga.

¹ Nalegak attaniôvok, ânanaunelijarlunelo pinarnadlartomik, Nâlegak ânanaunelijarpok, tapseruseruteᴋarporlo pitsartunermik; tamanna pivlugo nunaksoak pallangilak aularanelo.

² Iksivautât nappatsainarpok; igvit issoᴋangitomit ipotit.

³ Imaksuit ingergarningit makkitalerput Nâlegak; imaksuit ingergarningita nippalâdlarnitik tussartautilerpât; imaksuit ingergarningit iklullijâlerput.

⁴ Imarbiksub malliksoangit sôngonersauvut imaksuit nippalâdlarninginnit, Nâlegarle ᴋotsiktomêtok sôngonersauvok sulle.

⁵ Kigligiudsinitit mikseᴋartôvut; igloᴋotivît ivsornainek pinarnarutigivâ issoᴋangitomut.