Imgerut 92 - Labrador Inuttitut Heritage Bible

Nertordlernek Gûdib pinniarninginnik.

Imgerut Sabbatib uvlunganut.

¹ Tamanna pivianartôvok, Nâlegak ᴋujagilugo, attillo nertorlugo imgervigilugo ᴋotsingnerpangôjotit;

² Uvlâkut saimarviᴋarnit, unnuarmelo mikseᴋârnit oᴋautigilugik;

³ Noᴋakseralingnut tallimaujortunik Psalterinnullo Harfesijarnermullo.

⁴ Igvit ᴋuviasuktigamga, Nâlegak, piniarnernut; aggakpit sannaningit nertordlerutigivakka.

⁵ Nâlegak pinniarnitit ila angijôvaksôvut! issumattit ᴋannok ittijôksovlutik!

⁶ Sillaitub tamanna ᴋaujimangilâ illissimaitublo mallugingilâ.

⁷ Gûdeᴋangitut tungojoksivut iviksukattitut, idluitullijullo nuvugolâtârput illûnatik; nungutauᴋârtinagit soraijuitomik.

⁸ Igville Nâlegak poktojoksôvotit issoᴋangitomut.

⁹ Ahâgle, ômigijitit, Nâlegak, ahâk, ômigijitit nungutaujariaᴋarput; idluitullijullo illûnatik siamariaᴋarput.

¹⁰ Naksugale ᴋongmuartiniarpat, tuktûjârtub naksungatut; mingoartauniarpungalo orksumut nutâmut.

¹¹ Ijimalo ᴋuviagijane takkoniarpâ ômigijimne; siutimalo ᴋuviasutigijane tussarniarpâ kassêtune, akkerartortimne.

¹² Idluartok tungojoksijomârpok nappartotut Palmetut; perorsajomârlunelo Cederetut Libanonemêtotut.

¹³ Illijaumajut Nâlekab iglungane, Gûdipta iglorusingine tungojoksijomârput.

¹⁴ Inutoᴋaunermingne sulle perorteromârput, ipteᴋarlutiglo ᴋunulijuitsomârput.

¹⁵ Oᴋarᴋovlugit Nâlegak idluarmat, ᴋairtorijara, idluineᴋangilarlo tâpsomane.