Imgerut 91 - Labrador Inuttitut Heritage Bible

Manigoinek nangiarnartome.

¹ ᴋotsingnerpab sapputsiningata attânêtok, ajugaᴋangitublo tachalingninganêtsainartok:

² Tâmna Nâlekamut oᴋarpok: Sungertutiga, serngnigijiksaᴋautiga, Gûdiga nerriugijara.

³ Tâpsoma piulingmattit ômajoksiortib aklunânganit, nussilinartomillo ᴋanoênartomit.

⁴ Esarungminut ullingniarpâtit, sungertutigijallo esarungita attânêniarpok, mikseᴋârninga serngnigiksauvok; sappulutaksaulunelo.

⁵ Unnuab erksinarninganik ᴋoaksâruteᴋariaᴋarᴋonak, pittiksiniglo ingergajunik uvlôtillugo;

⁶ Nussilingnartomik tâktome terrêsartomik; nunalungnermik uvlub ᴋetterarningane asserorterijomik.

⁷ Tausendit ochogalloarpatta senningne, dentausendillo tallerpingne; igville uvigartauniangilatit.

⁸ Ijikingnut taututuinarniarpat, takkolugolo, ᴋannok Gudeᴋangitut akkiniartaungmatta.

⁹ Nâlegak sungertutigigangne; ᴋotsingnerpâk uneksiorviksarigangne.

¹⁰ Idluitomut nallianullonêt tikkitauniangilatit, pagvinartullo nalliallonêt kaglilerniangilak igloᴋotingnut.

¹¹ Tâpsoma Engeleᴋotine perᴋolaukpait pivlutit, sapputserᴋovlugit illingnik, apᴋosinerne illunaine.

¹² Aggangnut kivgaumaniapâtit ittikkattit apporᴋonagit ujarᴋamut.

¹³ Loevillo ᴋuglugiarâluillo pissugviginiarpattit, Loeviarᴋâllo Drachillo tullerarniarpattit.

¹⁴ Killanârivânga, tamanna pivlugo ikajoromavara; attimnik illitarksivok, tamanna pivlugo sappumijaromavara.

¹⁵ Nipliavigivânga, tamanna pivlugo tussaromavara; kappianartome najorpara; nussugomavara opinartilugolo.

¹⁶ Namaksititsomavara inôtsemik sivitôjomik, takkotitsomavlugolo piuliklernimnik.