Imgerut 87 - Labrador Inuttitut Heritage Bible

Okpertoᴋattigêt illinganingit ânanauningillo.

Kôrab ᴋittorngangita imgerutât.

¹ Aulajuitomik tunganilititaumavok ᴋaᴋᴋane ivsornaitunne.

² Nâlekab Zionib itterviksoangit ivleriluarpait Jakokut iglunginit tamainit.

³ Pijoᴋartunnik ânanaudlartunnik oᴋâlautigijauvut illingne iglugasaksoangojotit Gûdemut, Sêla.

⁴ Erᴋaromavakka Rahabekut Babelekullo, illitarksijut uvamnik akkorngane. Ahâk Filisterit, Tirusemiullo, ᴋernertet illaliudlugit, erniangojomârput tagvane.

⁵ Zioneme oᴋartoᴋaromârpok, Inuit sunatuinait erniangôngmatta tagvane, tâpsomalo ᴋotsingnerpâb iglugasalliormagit.

⁶ Nâlekab nippisiorutinne innuᴋattigêksuit taijomârpait: Tâpkoa erniangomavut tagvane, Sêla.

⁷ Imgeromârpullo nelleᴋârlutik: Puailaveᴋotikka illûnatik illingnêput.