Imgerut 82 - Labrador Inuttitut Heritage Bible

ᴋaiblainerit attannernik.

Assafib imgerutâ.

¹ Gude nangerpok Gûdib illagêktoᴋotinginne, idluarsaijôlunelo Gûdit akkorngane.

² ᴋannok sivitutigijomik nâmangitomik idluarsaijomavisê, Gûdeᴋangitullo kinauningit erᴋaginersarilugit? Sêla.

³ Aklujok illiârsuglo idluarnermik saᴋᴋêvigissigik, ajulertorlo pêtorlo ikajorsigik idluarnermik perᴋovlugit.

⁴ Erᴋanangitok aklujorlo piulissigik, ᴋellarudjarlugolo Gûdeᴋangitut pitsartuninginit.

⁵ Kissianele illitarksingilat, kamalungilallo tamattominga; tâksiutsainarput; tamanna pivlugo nunab tungavingit illunatik aulajariaᴋarput.

⁶ Oᴋalauralloarpunga; Gûdeôvose, ᴋittorngauluselo illunase ᴋotsingnerpâmut;

⁷ Toᴋᴋojomârposele innuktitut, sorlolo attannît assingit ochungmatta.

⁸ Gûde parngnailaurit nunalo idluarsaruk; igvit nallojut illunaita kingormgutijaksarigangne.