Imgerut 80 - Labrador Inuttitut Heritage Bible

Tuksiarnek nappârtok Weineliksak, Gûdib illilauktanga (okpertoᴋattigêt) sapputijauᴋovlugo.

Assafib imgerutâ imgerutigilugo.

¹ Igvit Israelib mianerijinga tussalaurit Josefekunik pairᴋsijotit saukatitut; sakᴋijâlaurit iksivajotit Kêrubit ᴋângine.

² Pitsartunnît tuppaksaruk Efraimekut Benjaminekullo Manassekullo sângine, ikajoriartorlutalo.

³ Gûde mannigortigut, kênailo ᴋaumalerle, tagva nakkoksiniarpogut.

⁴ Nâlegak Gûd Zebaot, ᴋannok sivitutigijomik ningarosugomavît innuᴋotivit tuksiarningit pivlugit?

⁵ Nerritipâttit ᴋaᴋᴋôjanik ᴋugvinelingnik, imertilugillo ôktomut angijomut ullipkitomut ᴋugvinnik.

⁶ Aivaniksangortipaptigut sillaliptingnut, ômigijiptalo mittautigivâtigut.

⁷ Gûde Zêbaot mannigortigut; kênait ᴋaumalerle, tagva nakkoksiniarpogut.

⁸ Nappârtok Weineliksak ailaukpat Egiptenemit, nallojut aulartilaukpâttit, tâmnalo illilaukpat.

⁹ Sângane inniksaᴋartitsilaukpotit amângillo siamasariarᴋolaukpâttit; nunamik nâjimangmat.

¹⁰ Kaᴋᴋât tachanganut ulliktaulaukput, akkerunginnullo Gûdib Cedereᴋotingit.

¹¹ Igvit perortungit siamartilaukpâttit immarbik tikkidlugo, akkerungillo kôksoak tikkidlugo.

¹² Sôgle tagva avalungit serᴋomilauklaukpigît nussuijauᴋovlugo illunainut sanerᴋotunnut?

¹³ Kuingêngit nujuartut siggumingnut aggasorpât, naternablo ômajungita nerridlarpât.

¹⁴ Gûde Zêbaot sâlaurittôk; takkosarit ᴋillangmit, takkonârlutillo, nappârtorlo Weineliksak tâmna nallipsaruk;

¹⁵ Weineliksak aggakpît tallerpikpît illilauktanga, ernerlo soᴋᴋosijuitomik anerilauktât.

¹⁶ Ikkomamut ikkitaumavok, ullimârtaumavlunelo asserortauvok; kênavit suarninganut nungulerput.

¹⁷ Aggakpît, ᴋollangiarlitsuk tallerpikpît angutinga, innub erninga soᴋᴋosijuitomik annerilauktat.

¹⁸ Tagva nûtsomalungilagut illingnit. Innôᴋolauktigut tagva attit nipliavigijomavavut.

¹⁹ Nâlegak Gûde Zêbaot manigortigut; kênait ᴋaumalerle, tagva nakkoksiniarpogut.