Imgerut 8 - Labrador Inuttitut Heritage Bible

Nâlekab pingortitsijub angininga pitsiarningalo.

Davidib imgerutâ, imgerutigilugo Gititemut.

¹ Nalegak attannerijavut, ila ânanaudlartoksôvok attit, nunanne illunaine, ᴋujalinermik illingnik torârtitsijoᴋartunne ᴋillangmut!

² Sorrusiârsuit amâmaktullo ᴋanningittigut nertordlernek illingnik âᴋikpet, ômigijitit pivlugit, nungutserᴋovlutit ômisuktomik kiglugosuktomiglo.

³ Takkonârupkit ᴋillait aggakpit sannamaningit, takᴋerlo uvloritsallo pingortilauktattit:

⁴ Innuk sunauvâ, erᴋarangne, inublo ᴋittornganga naipertorangne?

⁵ Annikitomik Gûdemit ᴋemaktaukolaukpet; opinarnermulle, pinarnarnermullo niaᴋoseromârpet.

⁶ Nâlegangortitsomârpet aggakput senamajanginut; tamaita aggangita attânut pitilaukpâttit:

⁷ Saukat tuktuvaillo tamaita, tappilugillo omajut nujuartut.

⁸ Tingmitjet ᴋillaub attâne, mingeritjello imarbingme, tamaitalo imarbingme aulajut.

⁹ Nâlegak attannerijavut, ila ânanaudlartoksôvok attit nunanne illunaine!