Imgerut 76 - Labrador Inuttitut Heritage Bible

ᴋujalijutiksak piulijaunek ômisuktunit pitsartujunnit pivlugo.

Assafib imgerutâ noᴋakseralingnut imgerutigilugo.

¹ Gude Judame illitarijauvok, Israelemelo attinga angijôvok.

² Tuppinga Salemêpok, iglungalo Zionemêpok.

³ Tagvane pittiksib ᴋarᴋjungit, sappulutât, saviksuit, unatarnerlo navikpait, Sêla.

⁴ Igvit ânanaunersauvotit, sôngonersaulutillo arktaijut opingaijoâluit ᴋaᴋᴋagijanginnit.

⁵ Sivurajuitut aksârnigaujungorsimavut, sinnisilerlutiglo sinimingnik; sôngojullo illunatik aggairsivut.

⁶ Suarnernut Gûdeôjotit Jakomut, sinisilerput tamarmik Horsit kemuksertullo.

⁷ Igvit kappianadlarᴋotit, kina sângne nangerungnarᴋa ningaleruvit?

⁸ Idluarsainerub ᴋajusimaninga tussartauᴋogungne ᴋillangmit, tagva nuna ᴋoaᴋsârpok innilangalunelo;

⁹ Gûde makkilerpât idluarsailune, pattangajut nunname ikajoromavlugit, Sêla.

¹⁰ Inuit kenajungninginut igvit nertornartigavit, tapseruseruteᴋarpotillo ᴋanningajârnernub amiakunganik.

¹¹ Nâlegak Gûdise angervigissiuk pinniarvigilugolo tamattominga. Illunatik tâpsoma illumajingit pilliutinik ᴋaitsilerlît ᴋoaᴋsârnartomut,

¹² Attannernik maksoajungnaititsijomut, sivôranartomullo attannersoarnut nuname.