Imgerut 75 - Labrador Inuttitut Heritage Bible

ᴋujalinek Gûdemik, Inuit piojorijut uivêtullo mannigotititauninget pivlugo.

Assafib imgerutâ tuksiarutâlo imgerutigilugo: Asseroiniarnak.

¹ ᴋujagivaptigit Gûde, ᴋujagivaptigit, attit ᴋannidlarmat; tattamnartullinitit oᴋautigijauvut.

² Nalliunera tikkisimakpât, tagva nâmaktomik erᴋartuijomârpunga.

³ Nuna sajukpilukpok, illunatiglo igloᴋartut tâpsomane; uvangale sukᴋangit najumivakka Sêla.

⁴ Nertotigosuktunnut oᴋalaukpunga: Nertotiniarase taimak; Gûdeᴋangitunnullo: naksut tellijiniarassigik.

⁵ Nakjuse kongmuartiniarassigik taimak; ᴋeppêserluse oᴋarniarase.

⁶ Illimanartoᴋangilak, seᴋᴋerngub nuininganillonêt, nippininganillonêt, ᴋaᴋᴋanillonêt sunaᴋangitomêtunnit.

⁷ Gûde idluarsaijôngmat, ôminga miklilertitsijok, ipsomingalo angijorortitsijok.

⁸ Nâlegak ermgusiarsungmik tigumiarmat aggangminut, Weinelingmik pitsartujomik aituilunelo tâpsomangat; Gûdeᴋangitulle nuname illunatik puvjupsautingit alluktoraksarivait, imeraksarilugillo.

⁹ Uvangale nallonêrsijomavunga soraijunanga, Jakoblo Gûdinga imgervigijomavara.

¹⁰ Gûdeᴋangitullo naksungit illunaita serᴋomitsomavakka, idluartut naksungit ᴋongmuartitauᴋovlugit.