Imgerut 74 - Labrador Inuttitut Heritage Bible

Nallautainek okpertoᴋattigêt siorniorningit pivlugit.

Assafib illisaininga.

¹ Gude sôg ajâktormarikpittigût? ningarnîllo isserluka saugaᴋotitit pairijâttit pivlugit?

² Illagêktoᴋotitit erᴋarkit, itsaksoarmit pinialauktâttit, kingormgutijaksarnullo piulilauktâttit; ᴋaᴋᴋak Zion innigijât (erᴋaruk)!

³ Ittikketit kivikit serᴋomakunut soraijuitunnut. Omisukte tamainik asseroimavok ivsornaitovingme.

⁴ Akkerartortitit igloᴋotivit kattimaviksaujub illuane kallingoarput, nallonaikutatiglo illivait, nallonaikutauᴋovlugit.

⁵ Tâmna (ômisukte) sakᴋerpok kinatut ullimauteᴋotiminik ᴋongmuartitsijotut nappârtut akkulaitut ᴋângine.

⁶ Manale sanangoarsimaningit kepperoksimajut (Tempelib) illunaita serᴋomilugit ullimârpait ullimautinut ujaratsiarnullo.

⁷ Ivsornaitoveᴋotit ikkipât atterpîllo iglunga ivsornaijungnaitipât.

⁸ Oᴋarput ômattimingne: Asserorlavut illunaita! Gûdib kattimaviᴋotingit nuname illunaita ikkipait.

⁹ Nellunaikutavut takkolungilavut; nallautaijoᴋarrungnaipok; kinaᴋangilarlo uvaptingne ᴋaujimajomik namût.

¹⁰ Gûdîk ᴋanok sivitutigijomik akkerartorte suartuksauvâ, ômisuktiblo attit taimak oᴋarnerlotigijaksarivaûk?

¹¹ Sôg aggaktit tallerpîllo allarpigît? Amukit ikkiarnit nungutsilutillotôk!

¹² Gûde attanerigapᴋo itsarnit, ikajornernik sunatuinarniᴋ pinniartok nunab ᴋerᴋane.

¹³ Igvit imarbik avikpat pitsartunernut, ômajoâluillo niakungit serᴋomikpâttit imâne.

¹⁴ Igvit arvit niaᴋungit avârlugit serᴋomipâttit, tunnilugillo nerᴋiᴋsautilugit innugasaksoarnut sunaᴋajuitomêtunnut.

¹⁵ Igvit puailavingnik kôngniglo puailaᴋojivotit; igvit kôksuit ᴋôtsainarlauktut imeᴋarungnaitipâttit.

¹⁶ Uvlok perᴋutigivat, unnuak perᴋutigivat; igvit uvloritsat seᴋᴋinerlo âᴋiᴋsulaukpâttit.

¹⁷ Igvit nunab kiglilervingit illunaita illivâttit; aujarlo okᴋiorlo pingortipakik.

¹⁸ Tagva erᴋailerittok, ômisuktib Nâlegak mamailisarmago, innuᴋattigêllo sillaitut attit oᴋarnerlotigingmatsuk.

¹⁹ Taubeᴋotivit tarninga tuniniarnago pît, ômajoâlungmut, pattangajoᴋotivîllo inôsingit puigormaringniarnagit!

²⁰ Angernek takkosaruk; nunab târninginne nâmangmat inninik uivênelingnik.

²¹ Erᴋanangitok kangusuktitauvlune aularᴋotailiuk; pattangajut aklujullo attit nakorilitsuk!

²² Makkilerit Gûde, pinniaraksatillo pinniarkit; mamailisartaunek erᴋaruk, uvlut tamaita tukkisijat sillaitunnit.

²³ Omigijivit nipliadlarningat puigorniarnago; akkerartortivit perajaludlarninget pivalliatsainarpok.