Imgerut 70 - Labrador Inuttitut Heritage Bible

Tuksiarnek ikajortaujomamut.

Davidib imgerutâ imgerutigilugo erᴋaumanermut.

¹ Errinisugit Gûde piulijomavlunga, Nâlegak, ikajorlunga.

² Kangusuglît, kangusuktitaulîllo tarnimnik pijugaklertut; kingorpiosartitaulît mittautaulîllo idluitomik peᴋarᴋojijut uvamnik.

³ Utteriaᴋarlît kangusumut, nipliajuteᴋartut uvamnik: Takka, takka!

⁴ ᴋuviasuglît, serrilîllo illingne, illingnik appertsuteᴋartut; piuliklernerniglo naglingniktut, oᴋatsainarlît: Gûde nertortaudlarle!

⁵ Uvangale pattangavunga, akludlarlungalo; Gûde ᴋaisârviginga. Igvit ikajortigivagit, piulijigilutillo; Nâlegak mulluniarnak!