Imgerut 7 - Labrador Inuttitut Heritage Bible

Tuksiarnek ômisuktut akkerartorlugit.

Davidib passijaksaungininga, imgerutigilugo Nâlekamut, Kusib Benjaminiteôjub oᴋausingit pivlugit.

¹ Nalegak Gûdîk, igvit tattigivagit. Iᴋajulaunga unangmijimnit illunainit, piulilungalo!

² Loevititut anguserᴋonagit tarnimnik, alliktuilutiglo piuliklerteᴋangimat.

³ Nâlegak Gudîk! taimailiulauruma, idluineᴋalaukpâllo aggamne;

⁴ Idluitomik akkililaurupkit taipkoa ullapirsauteᴋarlutik inuᴋattigilauktakka; taipkoalonêt pitjuteᴋaratik ômisulauktut uvamnik akkunarlaurupkit:

⁵ Tagva ômigijima tarniga unangmiliuk, tiguliuk, inôseralo tulerlugo nunamut, opinarneralo tarniga pitilugo sannermut pile! Sêla.

⁶ Makkitit Nâlegak ningarnerne, ᴋagverlutillo ômigijima ᴋanningaumajarningit akkerartorlugit, iᴋajulungalo, erᴋartuinermik pititsilerit.

⁷ Inuᴋattigêksuit kattimalerᴋokit avatingnut! tâpkoalo ᴋollânut kagvalaungmît.

⁸ Nâlegak erᴋartuijôvok innungnik. Erᴋartunga Nâlegâk, ajunginera idluarneralo malliklugik.

⁹ Gûdeᴋangitut kassêningit nungutaulît, idluartullo sullitsiartikit; igvit idluartôlutit Gûdeôjotit ômattit taktullo nautsertorangne.

¹⁰ Sappulutara Gûdemêpok ômattinnik idluitailijunik ikajortome.

¹¹ Gûde erᴋartuijôvok idluartok, Gûdeôlunelo uvlut tamaita tannersarijok.

¹² Sâleromangitoᴋarpât, tagva saviksoane ᴋênaksarsimavâ, ᴋellumalâlo pittiksinne, orlertorlunelo;

¹³ Torârtitsilunelo tâpsomunga sakkunnik toᴋᴋonartunnik; karᴋjune âᴋiksorlaukpait asseroerᴋovlugit.

¹⁴ Ahâk taimna idluiluktomik issumalerpok; singailunelo sorlo ᴋannoêtomik; tammartovinermigle erniniarpok.

¹⁵ Assine ittersalliorpait, aggasorlugolo, nangminerlo kaggitakpok ittersamut sannalauktaminut.

¹⁶ ᴋanoêninga niakoanut piniarpok, pinniarlungningalo kabsinganut ᴋattangniarpok.

¹⁷ Nâlegak ᴋujagivara idluarninga pivlugo, nertoromavaralo Nâlekab ᴋotsingnerpângôjub attinga.