Imgerut 67 - Labrador Inuttitut Heritage Bible

Gûdib saimarsainingata innuᴋattigêksoarnik tamainik nakorijauninga.

Davidib imgerutâ imgerutigilugo noᴋakseralingnut.

¹ Gude saimarvigitigut, pitsartutilutalo; tâpsoma kênaminut ᴋaumaksarlitigut, Sêla.

² Apᴋosininga illitarijauᴋovlugo nuname, nallojullo akorngane piuliklerninga.

³ Gûde innuᴋattigêksuit ᴋujagivâtit; innuᴋattigêksuit illunatik ᴋujagivâtit.

⁴ Inuit ᴋuviasukput igiaᴋomijarlutiglo, innuᴋattigêksuit namaktomik idluarsarangne, innuillo nuname aulagangne, Sêla.

⁵ Gûde, innuᴋattigêksuit ᴋujagivâtit, innuᴋattigêksuit illunatik ᴋujagivâtit.

⁶ Nuna perortuminik saᴋᴋêvok. Gûdib Gûdipta saimartilittigut.

⁷ Gûdib saimartilittigut, nunablo issungita illunatik sivôragijaksarivât.