Imgerut 64 - Labrador Inuttitut Heritage Bible

Davidib tuksiarninga sapputijaujomamut.

Davidib imgerutâ imgerutigilugo.

¹ Gude ârusuktillunga nippiga tussalauruk; inôsera sapputilauruk ômisuktub kappianarninganit.

² Ijilaunga idluitut kachimioningenit, idluitullijut unurninginnit,

³ Oᴋarmingnik kênaksaijut saviksoatut, oᴋautsinnullo orlertortut ᴋarᴋjunnut sorlo,

⁴ Angigutsivlutik idluitailijok pittigomavlugo; tagvainak pittikpât illerasugatik.

⁵ Nakkoksitiput ingmingnik idluitomut; unipᴋârlutik ᴋannok niᴋᴋanik illijijomagamik, oᴋarlutiglo: Kia takkojungnarpagît?

⁶ Nallangainermik sagvaivut: Pijarêrpogut nachvârtautsiartomik pingitsertortomik (oᴋarput). Illunatiglo attunnit ômattingit illungillo ittersangôvut natteᴋangitut.

⁷ Gûdible tagvainak pittingniarpait ᴋarᴋjumut, âniaᴋovlugit.

⁸ Oᴋangita nangminingita ochotitsomârpait; tâpkoninga takkojut illeᴋettamaromârput.

⁹ Innuillo illunatik sivôrajomârput unipkauseᴋarniarlutiglo Gûdib pinniarninginnik, kamaniarlutiglo tâpsoma pinniarninginnik.

¹⁰ Idluartut Nâlegak ᴋuviasutigijomârpât, tattigijomârlugolo, ômattillo idluitailijut illunatik tamna nertordlerutigijomârpât.