Imgerut 61 - Labrador Inuttitut Heritage Bible

Attanniub tuksiarninga sapputsaujomamut.

Davidib imgerutâ imgerutigilugo noᴋakseralingnut.

¹ Gûde nipliadlarnera tussalauruk; tuksiarnera kamagilauruk.

² Nunab issuanit nipliavigivagit ômattiga kappiasulerangat; tassiorlaunga ᴋairtomut innornartomut uvamnut.

³ Igvit sungertutigigapkit, nuvugosengovlutit sôngojok, ômisuktub sângane.

⁴ Tuppit iglomêvigitsainaromavara issoᴋangitomut, tatteᴋaromalungalo esarokpît sapputsauvingata attâne, Sêla.

⁵ Igvit Gûde angernera tussalaurangne; tunnitsivigivarma tâpkoa atternik sivôrajut kingormgutijangenik.

⁶ Attannek tunnitsivigivat innôtsemik sivitôjomik, Jâringit soraijuerᴋovlugit issoᴋangitomut;

⁷ Gûdib sângane iksivatsainarᴋovlugo; saimanermut mikseᴋârnermullo sapputsauᴋolauruk.

⁸ Tagva attit nertorlugo imgervigijomavara issoᴋangitomut, angernikka akkilerlugit perᴋovlunga uvlut tamaita.