Imgerut 60 - Labrador Inuttitut Heritage Bible

Tuksiarnek sâlakaromamut ômisuktunik.

Davidib ivlerijanga imgerutigilugo ajochertutiksarilugolo. Sôrsulauᴋârdlune Siriamiunut Mesopotamiamêtunnut, Siriamiunullo Zobamêtunnut; Joabe utterlune Edomiterit 12,000 dit ullimârmagit naksarme sioraujalingme.

¹ Gude ajâktuilauktotit siamartitsilauktotillo uvaptingnik, ningalauktotillo, ama mannigortigut.

² Nunamik koksalâtitsilauktotit, ᴋopluilauktotillo napvangit âᴋilaukit; aulangmat.

³ Igvit innuᴋotitit oᴋumaitomik tukᴋiserᴋolaukpâttit, immertilaukpaptigut Weinemik amainartomik.

⁴ Taimaigalloarmat saimat tunnilaukpat sivoragijingnut, nappaulerᴋovlugo mikseᴋârnek pivlugo, Sêla.

⁵ Nagligijattit piulijauᴋovlugit, iᴋajulaurit tallerpingnut, tussalutalo!

⁶ Gûde oᴋarpok ivsornaitovingmine, tamanna pivlugo ᴋuviasukpunga: Sicheme avitsomavara, Suchotiblo naksanga ôktoromavara.

⁷ Gilead perᴋutigivara, perᴋutigivara Manasse; Efraim sapputsauviksauvok niaᴋumnut; Juda tunnijijigivara perᴋojannik.

⁸ Moabe ubvarvigivara; ittigagutiga egipara Edomib ᴋânganut; Filistêab igiaᴋomijarvigilinga!

⁹ Kia tassioromavânga iglugasaksoarnut sôngojunnut? Kia aiparivânga Edomemut?

¹⁰ Igvit piniarniangilatit Gûde, ajâktuilauktotit uvaptingnik, aulalungitotillo, Gûde, kattimgajoᴋotivut illagilugit?

¹¹ Ikajorneᴋartitigut kappiasungniptingne; Inuit ikajorninget piutsangimat.

¹² Gûde illagilugo pinniarnersoarnik piniaromavogut; tâpsoma ômigijivut tullerniarpait.