Imgerut 6 - Labrador Inuttitut Heritage Bible

Tuksiarnek kappiasungnerme.

Davidib imgerutâ, imgerutigilugo noakseralingnut.

¹ Nalegak ningarlutit pitlarniarnangatôk, sugiarnangalo ᴋaningaumajarlutit.

² Nâlegak saimarvigilaunga, sangêdlarama; innûlilaunga Nâlegâk, saunikka ᴋoaksârsimangmatta;

³ Tarnigalo ᴋoaksârsimadlarpok. Igvit Nâlegâk ᴋannok sivitutigijomik?

⁴ Sâviginga Nâlegâk, tarnigalo piulilauruk; iᴋajulaunga nâpkigosungnît pivlugo.

⁵ Toᴋᴋome erᴋᴋaumajaulunginavit; kialo ᴋujalivigijomavâtit annernerit inningane?

⁶ Annersaumingudlarpunga, aumitikkalo ᴋausertipakka unnuak nâlugo, ᴋugvimnullo innangaviga mitsuktipara.

⁷ Kiksarnermut kênara tautorlukpok, îtolerlunelo, illunane kappiasuktitaugama.

⁸ Allarsinga idluitullijose illunase! Nâlekab ᴋêanera tussarmago;

⁹ Nâlekab ᴋennunera tussarpâ, tuksiarneralo Nâlekab illaliorpâ.

¹⁰ Omigijikka ilunamasiatik kangusulârput, ᴋoaksâdlarlârlutiglo; niverlârput, kangusulârlutiglo tagvainak.