Imgerut 58 - Labrador Inuttitut Heritage Bible

Arusungnek mangatsijut idluitut pivlugit.

Davidib ivlerijanga imgerutigilugo, asserorᴋonago.

¹ Oᴋajuiᴋise, oᴋaromanginapse idluartomik, erᴋartuijomanaselo nertornartomik, illipse ᴋittorngaujose innungnut?

² Ila pijarelluse idluitullivose nuname, noᴋaraselo aggapsingnut piniarlungnernik attorpose.

³ Gûdeᴋangitut mumiksimavut anânab timinganit; saglojullo tammarput anânab timinganit.

⁴ Toᴋᴋonartunget ᴋuglugitsab toᴋᴋonartungatut-îpok; otteretut (ᴋuglugiak) tussajuitotut siutitik simikpait;

⁵ Tussarlungitotut angakoktortub nippinganik, namaktomik angakoktorungaralloartub.

⁶ Gûde kigutingit ᴋaninginne serᴋomikit; Nâlegak Loeviarᴋat tulloriangit tuggarlugit serᴋomikit.

⁷ Auksarlit immektut kôktotut tagvunga. Karᴋjumingnut orlertorput, tâpkoale kippisimajutitut îput.

⁸ Nungulerput sorlo aᴋᴋopijok auksarmat; arnab alliktuangatut seᴋᴋinek takkolungilât.

⁹ Ukkusiᴋotisse missigerᴋârtinagit orpinik kakkilautelingnik pêjarniarpait tagvainak ullajujaksoarmut.

¹⁰ Idluartok ᴋuviasungniarpok akkiniarnermik taimaitomik takkogune, ittikᴋânelo mitsuktiniarpait Gûdeᴋangitub aunganut;

¹¹ Inuit oᴋarniarᴋovlugit: Ahamarik idluartok akkeᴋaralloarpok! ila Gûde erᴋartuijôvok nuname.