Imgerut 57 - Labrador Inuttitut Heritage Bible

Tuksiarnek ômisuktut pivlugit.

Davidib ivlerijanga imgerutigilugo: Asserorᴋonago Saule kemâgamiuk ᴋairosungmut.

¹ Napkigilaunga, Gûde nâpkigilaunga: tarnima tattigingmattit, esarokpîllo tachaliningane serngnigijauneksiorpunga, ᴋanoênek ᴋângerᴋârtinago.

² Nipliadlarpunga Gûdemut ᴋotsingnerpângôjomut Gûdemut kappiagijamnik nungutsijomut.

³ Tilliklerpok ᴋillangmit ikajorlungalo, kangusuktitsivok êjimnik, Sêla. Gûde tilliklerpok saimanerminik mikseᴋârnerminiglo.

⁴ Tarniga Loevit akkornganêpok, ikkomamik nutiktarneᴋartitsijut akkorngane nallavunga; Inuit akkorngane, kiggutiggit ᴋallugiangojunnik, ᴋarᴋjôjunniglo, oᴋaggillo saviksoangôjunnik.

⁵ Gûde ᴋillaub ᴋollânut ᴋangattarit, opinarnillo pile nunaksoarmut illunanut.

⁶ Nullutjat ningitilaukpait arvertarnimnut, tarnigalo nênerpât kannunga; sâmnelo ittersamik aggalaukput, ijukarvigilugolo nangminek, Sêla.

⁷ Omattiga oppallungêrsimavok, Gûde ômattiga oppalungêrsimavok imgeromavlunga, nertordlerlungalo pêrᴋovlunga.

⁸ Tuppalerit nertornarnîk; tuppaleritik Psaltere Harfelo! Uvlarârsukut tuppagomavunga.

⁹ Nâlegak ᴋujagijomavagit innuᴋattigêksuit akkorngane; nertorlutit imgervigijomavagit Inuit akkorngane.

¹⁰ Pitsiarnit pingmat ᴋillaub îninga tikkidlugo, mikseᴋârnillo nuvujât tikkiningit tikkidlugit.

¹¹ Gûde ᴋillaub ᴋollânut ᴋangattarit, opinarnîllo pile nunaksoarmut illunanut.