Imgerut 56 - Labrador Inuttitut Heritage Bible

Tuksiarnek piulijaujomamut unangmiklertunit.

Davidib ivlerijanga, Taube oᴋajuitok pivlugo takkorngartat akkorngane; Filisterit tigulaungmatsuk Gateme.

¹ Gudik nâpkigilaunga inuit êjômangmanga, uvlok nâlugo ômigijima tattivânga.

² Akkerartortima êjomavânga uvlok nâlugo; unnuktut sorsungmanga, piojorijunik illuseᴋarlutik.

³ Sivôrajarangama tagva tattigivagit.

⁴ Gûdib oᴋausingit nertoromavakka; Gûde tattigijomavara, erksijomanangalo; uvingub suniarajarpângâ?

⁵ Uvlut tamaita oᴋautsikka akkerartorasuarpait; issumangit illunatik taimailingavut idluitullivigijomavlunga.

⁶ Unnuktôvlutik kattingalerput, uttakkilutiglo, kingmîkalo nautsertorpakit, ᴋannok tarniga angugomavlugo.

⁷ Kassêtoksôvlutik piulijaujuksaunajarᴋât? Gûde ningarlutit innuᴋattigêksuit tâpkoa ijuᴋartikit unnunga.

⁸ ᴋemânera kittilauruk, ᴋugvikka pôlerkit pôᴋotingnut. Ila aglaᴋotingne aglaksimavut.

⁹ Tagva ômigijikka uttiriaᴋarniarput niplianiaruma. Tamana nallungilara, Gûdib illigingmanga.

¹⁰ Gûdib oᴋausingit nertoromavakka, Nâlekab oᴋausingit nertoromavakka.

¹¹ Gûde tattigivara erksitaililungalo inuit suniarungnarpângâ?

¹² Gûde angilaukpagit ᴋujagijomagapkit.

¹³ Igvit tarniga piulilaurangne toᴋᴋomit, ila ittiggakka ᴋoitarnermit, agvertarungnarᴋovlunga Gûdib sângane inôjut ᴋaumaningane.