Imgerut 54 - Labrador Inuttitut Heritage Bible

Tuksiarnek piulijaujomamut.

Davidib illisaininga, imgerutigilugo noakseralingnut; Sifimiut tikkitillugit oᴋarlutiglo Saulemut: Davide ijersimavok uvaptingne.

¹ Gude attikkut iᴋajulaunga, idluartomiglo saᴋᴋêvigilaunga aksorotjinernut.

² Gûde tuksiarnera tussalauruk, ᴋannerma oᴋâlaningit timerolaukit.

³ Piojorijut makkitavigingmanga akkerartorlunga tattitosartullo tarniga unangmivât, Gûdelo pigingilât ijimik sângine. Sêla.

⁴ Ahâk Gûdib illigivânga, Nâlekab tarniga pairivâ.

⁵ Kassênek utteromârpok ômigijimnut. Asserorkit mikseᴋârnît malliklugo.

⁶ Tagva tunnergutiksamik pijarijomik âtsivigijomavagit, attillo Nâlegak ᴋujagilugo, taimak ajungitôngmat.

⁷ Igvit piuligamga kappiagijamnit tamainit, ijîka ômigijikka pivlugit ᴋuviasutiksamik takkoᴋovlugik.