Imgerut 53 - Labrador Inuttitut Heritage Bible

Inuit asserorsimaninget, piulijauningello.

Davidib illisaininga, imgernermik illissimajomut imgerutigilugo.

¹ Sillaitut ômattimingne oᴋarput: Gûdeᴋangilak. Piungilat makkojungnartôlutiglo piniarlungninginnut. Tagvane ajungitullijoᴋangilak attautsemiglonêt.

² Gûdib ᴋillangmit Inuit ᴋittorngangit takkonârpait, takkojomavlune kina sillatomangât Gûdelo apperᴋutigingmangâgo.

³ Illunatigle uniorsivut, illunamassiatiglo ajulerput. Tagvane ajungitullijoᴋangilak attautsemiglonêt.

⁴ Idluitullijulle illitarksileromangilat? innuᴋotimnik nerrijut innûgutigilugit; Gûde nipliavigingilât.

⁵ Tagvanele erksivut erksijutiksaᴋangitome; Gûdib tetjartivît sauningit siamartimagit. Kangusuktipâttit, Gûdib nachogingmagit.

⁶ ᴋannoktôk ikajortiksamik tikkitoᴋarle Zionemit Israelitinnut, Nâlekablo innuᴋotine parngnairsortât piuliligit! Tagva Jako ᴋuviasugajarpok, Israelelo serridlarajarpok.