Imgerut 52 - Labrador Inuttitut Heritage Bible

Arusungnek Doegib kassêninga pivlugo.

Davidib Tatteᴋarninga Gûdib sapputsininganik. Davidib illisaininga imgerutigilugo; Doege Edomitereojok, tikkitillugo Saulelo oᴋautingmago oᴋarlunelo: Davide tikkipok Ahimelechib iglunganut.

¹ Sog tattitosârᴋît, attaneâlôjotit, pijaksaungitoâlungmik piniarungnaravit; Gûdib pitsiarninga soraijuitsainaralloartillugo?

² Oᴋait ᴋassênermik issumalerpok, umgijautitut ipiktotut, annerpanaitotit!

³ Idluinek oᴋautigingârpet ajungitomit, nallangainerlo idluartomit. Sêla.

⁴ Oᴋautsit asserornartut illunaita ivlerivâttit, oᴋaujotit nallangaitok.

⁵ Tamanna pivlugo Gûdib asserormaringniarpâtittauk, tigukallaniarpâtit nussungniarlutillo tuppermit, pêjarniarpâtillo inôjut nunangenit. Sêla.

⁶ Idluartullo takkoniarpât, sivuraniarlutiglo, ijorutiginiarpâllo.

⁷ Ahâk takka angut Gûdemik sappulutaᴋalaungitok; akluinermigle Tattekalauktok, sôngolaukporlo kassênermine.

⁸ Uvangale nappârtotut orksoliktotut tungojortotut Gûdib iglunganêtuatsainaromârpunga; Gûdib pitsiarninga tattigitsainarpara issoᴋangitomut.

⁹ Issoᴋangitomut ᴋujagijomavagit, igvit pinialaurangne namaktomik; attîllo nerriugijomavara pivianadlarmat ivsornaitoᴋotivît sângine.