Imgerut 47 - Labrador Inuttitut Heritage Bible

Imgerusek sâlaᴋarsiut.

Kôrab ᴋittorngangita imgerutingat imgerutigilugo.

¹ Aggapsingnut pattaktoritse inuᴋattigêksoangojose illunase Gude igiaᴋomijarvigissiuk nippemut ᴋuvianartomut.

² Nâlegak ᴋotsingnerpângojok kappianadlarmat, attanersoangovlune nunaksoarmut illunânut.

³ Tâpsoma innuᴋattigêksuit aksorotivait attiptingnut, innuillo pitipait ittikapta attânut.

⁴ Kingormgutijaksaptingnik annerosugvigivâtigut, Jakob nagligijame ânanaudlarninganik, Sêla.

⁵ Gûde ᴋongmuarpok igiaᴋomijartoᴋartillugo, Nâlegarlo tiptulausijartoᴋartillugo.

⁶ Nertordlerluse imgeritse, Gûde nertordlerluse imgervigissiuk; nertordlerluse imgeritse, attannivut nertordlerluse imgervigissiuk.

⁷ Gûde attanniôngmat nunaksoarme illunâne; imgerutinnik imgervigissiuk.

⁸ Gûde attaniôvok nallojunnut; Gûde iksivavok iksivautamine ivsornaitome.

⁹ Innuᴋattigêksuit attaningit kattimavut Abrahab Gûdingata innuᴋotinginnut; Gûdib nunaksub sapputjingit pigingmagit; angijomik angijorortitaumavok.