Imgerut 46 - Labrador Inuttitut Heritage Bible

Illagêktut manigorutiksangat sungertutigijangallo.

Kôrab ᴋittorngangita imgerutingat inuosuktunnut imgerutigilugo.

¹ Gude sungertutigivavut, pitsartutigilugolo; tukkisijaudlarpok ikajorteôngmat ᴋannoêtune.

² Tamanna pivlugo nangiarlungilagut, sillaksoak nungunajaralloarpât, ᴋaᴋᴋello kivigalloarpâtta imarbiub ᴋerᴋanut.

³ Imaksoangit iktulligalloarpatta, auladlaralloarpattalo, aulajadlarninganullo ᴋaᴋᴋet sajukpiluktitaugalloarpattalo, Sêla.

⁴ Taimaigalloarpat kôksoab kôgârsungitalo illagilugit Gûdib iglugasaksoangit, najorteᴋartut ᴋotsiktub iglunginnik ivsornaitunnik ᴋuviasutitaksarivait.

⁵ Gûde tâpᴋonanêpok, tamanna pivlugo aulaniatsangilat, Gûdib ikajorpait uvlarârsukut.

⁶ Nallojut perajalukput, attaniovîllo aulavut; nuna auksilerpok tâpsoma nippine tussaktauᴋoguniuk.

⁷ Nâlekab Zêbaotib illagivâtigut, Jakob Gûdinga sapputjigivavut. Sêla.

⁸ ᴋaititse takkoluselo Nâlekab pinniarninginnik, nuname asserortaunermik taimaitomik pititsijub;

⁹ Unnatadlarnernik nokᴋartitsijub nuname illûnane; pittiksinnik naviksijub, kallugiarniglo serᴋomitsijub, aksalloalingniglo ikkitsijub.

¹⁰ Nippangeritse illitarksiluselo uvanga Gudeôgama. Uvanga angijorortitaujomavunga nallojut akkorngane, angijorortitaujomavunga nuname.

¹¹ Nâlekab Zêbaotib illagivâtigut, Jakob Gûdinga sapputjigivavut.