Imgerut 42 - Labrador Inuttitut Heritage Bible

Idluartub kappiasuktub kippininga Gûdib Tempeleᴋotinganut.

Kôrab erningita ᴋaiblainingat imgerutigilugo.

¹ Sorlo tuktu nipliamat imeᴋaromamut, nigliktomik, taimak tarniga nipliavok illingnut Gûde.

² Tarniga ᴋêlerpok Gûdemut, Gûdemut ômatsainartomut. Kakkugo tagvunga tikkitsomârᴋik Gûdib kênangata sângane saᴋᴋijârlunga perᴋovlunga?

³ Kugvikka nerᴋigivakka uvlôtillugo unnuamelo, uvlut tamaita oᴋautsaugama: Gûdit nanêᴋa manna?

⁴ Tamanna issumagigupko, tagva ômattiga nâvipara illumne; aiᴋattaujomadlarama kattimgajunnut, agvertarᴋattigijomavlugillo Gûdib iglunganut, ᴋuviasudlarlunga ᴋujalidlarlungalo kattimgajut uvloksiortut akkorngane.

⁵ Sôg kiksârtiᴋît, tarnîk, uimajâdlarlutillo illumne? Gûde nerriugiuk; ᴋujaginiarapᴋo sulle, ikajormanga kênaminut.

⁶ Gûdîk tarniga kiksarpok illumne; tamanna pivlugo erᴋaumavagit nunamê Jordanemêtomê, Hermonemelo ᴋaᴋᴋârsôjome.

⁷ Ullitornersuit ᴋajumiklutik nippalâkput, mâne ittinersoak, ikkanelo ittinersoak iktulliarmarik; ingiuleᴋotivit illunatik, malliksoaᴋotivillo ittipsoarpânga.

⁸ Nâlekab pitsiarnine angerutigilaukpa uvlôtillugo, unuamelo imgervigivara, tuksiarpungalo inôtsima Gûdinganut.

⁹ Oᴋarpunga Gûdemut ᴋairtorijamnut: Sôg puigomavingâ? Sôg taimak kiksarlunga arvertariaᴋarᴋîk ômigijima tattikpanga?

¹⁰ Innuartaunertut saunimne, ômigijima mittauteᴋarningit iput uvamnut, oᴋautitsainarpânga: Gûdit nanêka mânna?

¹¹ Sôg kiksartiᴋît tarnîk uimajâdlarlutillo illumne? Gûde nerriugiuk: ᴋujaginiarapᴋo sulle, kênama ikajortigingmago Gûdigigapᴋolo.