Imgerut 4 - Labrador Inuttitut Heritage Bible

Davidib tuksiarninga pitsartutitaunermik okpernerme, ômigijingit kallêviotillugit sunatuinarnik tâpsomunga.

Davidib imgerutâ imgerutigilugo noakseralingnut.

¹ Tussalaunga nipliaraiguma, Gûdik, idluarutigijara, mannigoijotit uvamnik kappiaktoajarangama; saimavigilaunga, tussalaulutillo tuksiarnimnik!

² ᴋittorngaujose innungnut, ᴋannok sivitutigijomik opinarnera kangusuktitaujuksauvâ? ᴋannok akkunêrtigijomik suksaungitut nagligivissigîk? Okkigilugillo saglonerit? Sêla.

³ Illitarksileritsetôk Nâlekab idluartitane tassiormagit tattamnadlartomik; Nâlegak tussarpok nipliavigijarangapᴋo.

⁴ Ningaleraigupse idluitulliniarase. Omattise oᴋarᴋattigissiuk innangavipsingne innilangaluselo, Sêla.

⁵ Idluarnermik tunnijititse, Nâlegarlo tattigissiuk.

⁶ Unnuktut oᴋarput: Kia takkotiniarpâtigut ajungitomik? Nâlegarle ᴋollangiarvigittigut kênavît ᴋaumaninganik!

⁷ Igvit ômattiga ᴋuviasuktipet, ipkoa Weineᴋadlaralloarmatta, ᴋaᴋᴋôjaksaᴋadlaralloarlutiglo.

⁸ Innangavunga, sinniklungalo ullapirsauteᴋarlunga; igvit kissivît Nâlegak ikajoramga, inneᴋarᴋovlunga ussornarnartomik.