Imgerut 32 - Labrador Inuttitut Heritage Bible

Ajornerit issumagijaujungnainingita pilloringnarningat.

Davidib illissaininga.

¹ Pillorikpok tappanernit issumagijungnaiviôjok, ajortunnik mattoviôjok.

² Pillorikpok innuk, Nâlekab taisivigijungnaitanga idluitullinernik, nallangaineᴋangitorlo annernermine.

³ Angigutjutigijomalaurapᴋo, saunikka perlilaukput ᴋêadlarnimnut uvlok nâlugo.

⁴ Agaktit uvlôtillugo unnuamelo oᴋumailaungmatta uvamne, iptiga ipterililaukpok, sorlo aujame ipteriliktitaungmat. Sêla.

⁵ Tagva ajornimnik kigligiksarvigilaukpagit, idluitullinikkalo angiaritailivakka. Oᴋalauktunga: Nâlegak tappanimnik kigligiksarvigijomavara; tagva issumagijungnaivigilaukparma ajornima idluitoksôninginit, Sêla.

⁶ Tamanna pivlugo ivsornaitut illunatik tuksiarviginiarpâtit nalliutome nachvârvionerne; tikkitoarniarpallo imaksoarnik, tâpkoa tikkitauniangilat tâpkonunga.

⁷ Igvit serngnigijiksarivagit, sappumijartiniarparma kappiaktoarnermit, piulijauvlunga ᴋuviasuklunga nertordlerungnarᴋovlunga, Sêla.

⁸ Uvanga ajochertoromavagit apᴋosinermiglo unertutigijomavagit, agvertarvigijaksarijarnik; ijimnut attanertoromavagit.

⁹ Horsititut, horseojârtutitullo sillatuneᴋangitutitut-iniarase, kingmiarangnik noᴋᴋilautiniglo ᴋaningittigut pijariaᴋartutitut, illingnut aijomangipatta.

¹⁰ Gûdeᴋangitok kappianartoᴋarpok unnuktunnik; Nâlekamigle tatteᴋartok pitsiarnerub erᴋiniarpâ.

¹¹ Idluartose Nâlegak ᴋuviasutigissiuk, serridlarluselo; nertordleritselo illunase idluitailijose.