Imgerut 3 - Labrador Inuttitut Heritage Bible

Tatteᴋarnek Gûdemik nangiarnartome unangmiklertut pivlugit.

Davidib imgerutâ, taipsomane ernine Absalome ᴋemâgamiuk.

¹ Nalegak! Ila unnuktoksôvut ômigijikka, unnuktullo akkerartorpânga!

² Unnuktut tarniga oᴋautigivât: Ikajortiksaᴋangilak Gûdeme! Sêla.

³ Igville Nâlegak sappulutaksauvotit uvamnut, nâlengnartitsijok uvamnik, niakumniglo kagvertitsijok.

⁴ Nippimnut Nâlegak nipliavigivara, tâpsomalo tussarpânga ᴋaᴋᴋaminit ivsornaitomit. Sêla.

⁵ Inangavunga, sinniklungalo, tuppaklungalo; Nâlekab najumingmanga.

⁶ Inuit 100,000 dit avatimne nangeriartortut akkerartorlunga, erksigingilakka.

⁷ Attê Nâlegak! Iᴋajulaunga Gûdîk! Igvit ômigijikka illunaita erksarangne, Gûdeᴋangitullo kigutingit serᴋomidlarpâttit.

⁸ Nâlekame ikajortiksarsiviksauvok, saimartitsinîllo innuᴋotingnut pile! Sêla.