Imgerut 29 - Labrador Inuttitut Heritage Bible

Nâlekab opinarninga kallungnerme.

Davidib imgerutâ.

¹ Erniojose Gûdemut, Nâlegak ᴋaitsivigissiuk, ᴋaitsivigissiuk opigosungnermik pitsartunermiglo!

² ᴋaitsivigissiuk Nâlegak attingata opigijauninganik, Nâlegak tuksiarvigissiuk pinnarnarsiluse ivsornaitomik.

³ Nâlekab nippinga imaksuit ᴋângine ingergavok; Gûde opinartok ᴋallerpok, Nâlegak imaksuit ᴋângine.

⁴ Nâlekab nippinga ingergavok pitsartolune, Nâlekab nippinga ingergavok ânanaudlarlune.

⁵ Nâlekab nippingata Cederit serᴋomipait; ila Nâlekab Libanonib Cederingit serᴋomipait.

⁶ Kiggertartilaitalo nochaktut, Libanon, Sirionelo tuktuvaraktut.

⁷ Nâlekab nippinga nutiktartitsivok sorlo ikkomab ikkoalaninganik.

⁸ Nâlekab nippingata sunaᴋajuitok koksalaktipâ, Nâlekab sunaᴋajuitok Kades koksalaktipâ.

⁹ Nâlekab nippingata tuktut ernisuktipait erritârlaitalo nappârtut, Tempeleᴋotinganelo illunatik oᴋarput: opinak!

¹⁰ Nâlegak iksivalaukpok ullitornivaksoaᴋartillugo, Nâlegarlo attanniovlune iksivajomârpok issoᴋangitomut.

¹¹ Nâlekab innuᴋotine pitsartuneᴋartiniarpait, Nâlekab innuᴋotine pitsartutiniarpait ullapirsaumut.