Imgerut 23 - Labrador Inuttitut Heritage Bible

Tatteᴋarnek Nâlekab sapputsininganik tassiorninganiglo.

Davidib imgerutâ.

¹ Nalegak pairijigivara; ajoksarniangilanga sunamik.

² Natername iviksukatolingme tungojoktannik tangmârterpânga, tassiorlunga merngoêrsernerub iminginut.

³ Tâpsoma tarniga nakoksitipâ, tassiorpânga idluarnerub apᴋosiningane attine pivlugo.

⁴ Koroksioralloarajarumalo tâktokut, ᴋannoêtomik illimasulungilanga; igvit najoramga, ajaupiaᴋotivit tassiornivîllo mannigorpânga.

⁵ Igvit sâmne sâmik (nerrimavingmik) âᴋiksoivotit ômigijima takkoane. Igvit niaᴋora mingoarpat orksomut, imilarmalo namaktomik.

⁶ Ajungitullivionerit nâpkigijaunerillo illagitsainarniarpânga inôsimne tamât, uvangalo Nâlekab iglunganêtuatsainaromârpunga.