Imgerut 21 - Labrador Inuttitut Heritage Bible

ᴋujalitiksak attaniub sâlaᴋarninga pivlugo.

Davidib imgerutâ imgerutigilugo.

¹ Nalegak, attanek ᴋuviasukpok pitsartunerne, ila angijomik serridlarpok ikajornît pivlugo!

² Tunnitsivigivet ômattingata pijomajanganik, ᴋippilulungilattillo ômattingata tuksiararijanganik. Sêla.

³ Igvit koverigangne saimartitsinernik ajungitomik, niaᴋutelo Goldeojok illivet niaᴋoanut.

⁴ Tuksiarvigilaukpâtit innôtsemik sivitojomik, tagva tunnitsivigilaukpat inôtsemik sivitojomik îtsainartomik issoᴋangitomut.

⁵ Opigijaunersoaᴋarpok ikajornernut; nertortaunermiglo pinarnarnermiglo illitsivigivat.

⁶ Saimanartungortigangne issoᴋangitomut; ᴋuviasuktipet ᴋuvianartunnut kênavit sângane.

⁷ Attaniub Nâlegak tattigingmago, ᴋotsingnerpângôjublo pitsiarninganut aulatailiniarpok.

⁸ Aggakpît ômigijitit illunaita nachvarniarpait; tallerpikpit ômisuktut illingnik nenniniarpait.

⁹ Kiaksautitut ikkomaliktut illingatiniarpâttit takkonârniarungne; Nâlekab ningarlune êniarpait, ikkomablo nerridlarniarpait.

¹⁰ Kinguvângit nunguniarpâttit nunamit, ᴋittorngangillo Inuit ᴋittornganginnit.

¹¹ Issumâluᴋalaungmatta illingnik, ᴋajusimaneliorlutiglo, nallautsititsungnarlaungilaille.

¹² ᴋemâtiniarangne, noᴋaktingnut kênangit orlertorniarpâttit.

¹³ Kagvarit Nalegak pitsartunerne; tagva ajugaᴋanginît imgerutigilugo nertoromavavut.