Imgerut 20 - Labrador Inuttitut Heritage Bible

Inugasaksuit tuksiutjiningit attanermingnik unatadlarnerub nalliuningane.

Davidib imgerutâ imgerutigilugo.

¹ Nalekab tussarlitit kappianarnerub uvlungane; Jakob Gûdingata attingata sappumijarlitit.

² Tâpsoma ikajortaunermik tilliklervigilitit ivsornaitovingmit, pitsartutilitillo Zionemit.

³ Tâpsoma tunnergutitit nerᴋiᴋsat tamaita erᴋaumaligit, tunnergutillo ôtaksak ᴋuinilerle. Sêla.

⁴ Tunnitsivigilitit ômattivit ᴋajungervigijanganik, ᴋajusimanitillo tamaita nallautsitiligit.

⁵ Igiaᴋomijaromavogut sâlaᴋarnît pitjutigellugo, Gûdiptalo attingane saimat nappautivavut. Nâlekab tuksiarilitit ᴋennunernik tamainik.

⁶ Mânna tukkisivunga Nâlekab mingoartane ikajormago, tussarlugolo ᴋillangminit ivsornaitomit; tallerpinga ikajorpok angijoksoarmik.

⁷ Ipkoa aksalloalingnik tattiksaᴋarput, ipkoalo horsinik; uvagulle Nâlekab Gûdipta attingannik.

⁸ Ipkoa ochosimavut pâlaklutiglo; uvagulle makkipogut nangerlutalo nappalutalo.

⁹ Nâlegak ikajorit! Attaniub tussarlitigut nipliarangapta.