Imgerut 2 - Labrador Inuttitut Heritage Bible

Nallautainek Gûdib erningata nalegauvinganik, sâlaᴋarninganiglo ômigijiminik.

¹ Sog nallojut perajarludlarᴋât, innuillo sullinatik oᴋâladlarᴋât?

² Attannersuit nuname akkerartorput, nâlekallo ᴋachimiokattigêlerput, Nâlegak mingoartangalo akkerartorlugik.

³ ᴋellarutingit kiktoralerlavut, aklunângillo egidlarlavut.

⁴ ᴋillangmêtuble ijutigivait, Nâlekablo mittautigivait.

⁵ Sukkutsiane oᴋarvigijomârpait ningadlarlune, ᴋaningaumajarnerminullo ᴋoaksârtitsomârpait.

⁶ Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

⁷ Illusek taimaitok oᴋâlautigijomavara, Nalekab oᴋautilaungmanga: Ernerivagit uvlome ernetârivagit.

⁸ ᴋennuviginga, tagva nallojut kingormgutijaksautitsomavakka illingnut, sillaksublo issungit perᴋutautitsomavakka illingnut;

⁹ Ajaupiamut (opigijautiksaujomut) kikkiangojomut serᴋomitaksarivâttit, machaktitut serᴋallijaksarivâttit.

¹⁰ Tagva manna attanniojose sillatoleritse, tannersartaukolerluselo erᴋartuijose nuname!

¹¹ Nâlegak kivgartorsiuk sivôraluse, ᴋuviasuleritselo sajukluse.

¹² Ernek kunnissiuk, ningarᴋonago, nungutauᴋonaselo apᴋome; ningarninga ikkoalasarainiarmat; pilloridlarpulle illunatik tatteartut tapsominga.