Imgerut 148 - Labrador Inuttitut Heritage Bible

ᴋajungersainek pingortitannik tamainik Gûde nertorlugo.

¹ Hallêluja. Nalegak nertorsiuk ᴋillangmit; nertorsiuk ᴋotsiktome.

² Engelingit illûnase nertorsiuk; kattimgajoᴋotingit illûnase nertorsiuk.

³ Seᴋᴋiniôjotit, takᴋiojotillo nertortiko; uvloriangojose ᴋaumaijose illûnase nertorsiuk.

⁴ ᴋillait ᴋillangit illûnase nertorsiuk, imiôjoselo ᴋillait ᴋollânêtose.

⁵ Tâpkoa Nâlekab attinga nertoraksarivât; tâmna perᴋojilaungmat, tagva pingortissimalaukput.

⁶ Pitilaukpaillo soᴋᴋosijuiᴋovlugit issoᴋangitomut; illuseᴋartitsilaukporlo tappagijaulungitomik tâpkonunga.

⁷ Nâlegak nertorsiuk nunamit; arviôjose, ittiniôjoselo illûnase.

⁸ Ikkomab nattarᴋonâluillo, apputib, pujorablo; akᴋonaksuit, oᴋausinginik nâlektut;

⁹ ᴋakᴋat, ᴋakᴋârulaillo illûnatik; napârtut paungâluggit, Cederillo illûnatik.

¹⁰ Omajut nergjutilllo illûnatik, pâmgortut, tingmitjullo merᴋoggit;

¹¹ Attanersoangojôse nuname, inôjoselo illûnase; attaniôjut, idluarsaijullo nuname tamaita;

¹² Nullêtut uigasuillo; innutoᴋaujut innuosuktut illagilugit:

¹³ Tapᴋoa Nâlekab attinga nertoraksarivât; tâpsoma attinga kissime ᴋotsingmat; ânanauningata ᴋillak nunalo pittikipak.

¹⁴ Innuᴋotimelo naksunget ᴋongmuartipâ, ivsornaitoᴋotime illûnatik nertordlerningit ᴋongmuartipait tagva Israelib ᴋittorngangita, innugasaksuit ᴋannitut tâpsomunga. Hallêluja.