Imgerut 144 - Labrador Inuttitut Heritage Bible

Tuksiarnek sapputijaujomamut, saimausertaujomamullo.

Davidib imgerutâ.

¹ Nertortaule Nâlegak, ᴋairtorijara, aggamnik illiniartitsijok sorsungnermik unatarnermiglo.

² Pitsiarvigijiga, serngnigijiksaᴋautigijaralo, sapputsijigalo, piulijigalo, sappulutarijara, tattigijara, innuᴋotimnik nâlaktitsijok uvamnik.

³ Nâlegak, innuk sunauvâ, taimak naipertorangne? innublo erninga, taimak kamagigangne?

⁴ Innuk pujomik adseᴋaralloarmat; nalliuninga ingergavok tachaktut.

⁵ Nâlegak ᴋillaᴋotitit nakiglilertikit akᴋarlutillo; ᴋakᴋat aktorkit isserluᴋovlugit.

⁶ ᴋaumalâlerle siamartilugillo; ᴋarᴋjuᴋotitit pittiksautikit, ᴋoaksârtilugillo.

⁷ Aggaktit ᴋotsingnermut tillikit piulilungalo; ᴋaᴋᴋitilaunga imaksoarnit, takkorngartat ᴋittorngangita agganginnit;

⁸ Kanneᴋartut tukkeᴋangitomik oᴋartunnik, tallerpingmiglo aggaᴋartut nallâgôngitunik.

⁹ Gûde imgerusertâmik imgervigijomavagit; nipliajorvigijomavagit Psalteremut noᴋatilimut tallimaujortunnik.

¹⁰ Attanernut sâlaᴋarnermik tunnijijotit piuliklerlutillo kivgaᴋotingnik Davidemik saviksoarmit innuarnartomit.

¹¹ ᴋellulaunga piulilungalo ᴋittorngat takkorngartat agganginnit, ᴋaneᴋartut tukkeᴋangitomik oᴋartunnik, tallerpingmiglo aggaᴋartut nallâgôrlungitunnik.

¹² Ernivut aglissivalliarᴋovlugit innuosungnermingne, perortutitut; pannivullo îlerᴋovlugit terreᴋut nappajungititut, igloksuit illusingit malliklugit.

¹³ Iglupta aiparusingit tattaᴋovlugit, annitsijungnarᴋovlutalo ᴋematulliosimajunik sunatuinarnik; saugaᴋotivut iviksukataliᴋotiptingne unnuksivalliaᴋovlugit 1,000 diêrtortunnik 10,000 diêrtortunniglo.

¹⁴ Tuktuvaᴋotivut angijomik nangmarᴋovlugit; ᴋannoêtoᴋarᴋonago, assiomajoᴋarᴋonagolonêt, ârusuktoᴋarᴋonagolonêt apᴋosiniptingne iglupta akkorngane.

¹⁵ Pilloringnarmêk innuᴋattigêksuit taimaitunik illuseᴋartut! Pilloringnarmêk innuᴋattigêksuit Nâlekamik Gûdeᴋartut!