Imgerut 141 - Labrador Inuttitut Heritage Bible

Tuksiarnek sapputijaujomamut nangiarnartome.

Davidib imgerutâ.

¹ Nalegak, illingnut ᴋaigarsukpunga, ᴋaisâlaurit uvamnut; nippiga tussalauruk, nipliavigigupkit.

² Tuksiarnera idluarle sângne, tunergutitut isserluanitotut; aggama ᴋongmuartitauninget tunnergutitut unusiutitut.

³ Nâlegak ᴋannera pigârteᴋartiuk, kangasinângmalo upkuangak udsertorteᴋartiuk.

⁴ Omattiga ᴋajungertiniarnago sunamut idluitomut, Gûdeᴋangitut illusingit attorlugit idluitullijut illagilugit, nerrerᴋonanga taipkoa oêrijanginnit.

⁵ Idluartub illanâᴋarlune annaulinga, pitlarlungalo; tamanna mingoarutiksauvok niaᴋumnut, niaᴋorma ᴋunnujutigijaksaringila tamanna; sullele tuksiarpunga taipkoa idluitullininget akkerartorlugit.

⁶ Taipkoa idluarsaijungit ijuᴋartitaulit ᴋairtomit; tagva oᴋauserijakka tussartauniarput tussarnermatta.

⁷ Sorlo makpiteraijok perorsêvingmik, kangâsuimat perorsêviub ittersanginut, taimâk saunivut kattarartauvut kappianartoviub torkluanut.

⁸ Illingnulle Nâlegak, Nâlegak, ijîka takkonârpuk; tattigivagit, târniga pijautailitiuk.

⁹ Sapputilaunga aklunâmit tâpkoa illilauktanganit pivlunga, idluitullijullo niganginnit.

¹⁰ Gûdeᴋangitut kattaglit nulluaᴋotimingnut, uvanga ᴋanoênanga ᴋângertillunga.