Imgerut 14 - Labrador Inuttitut Heritage Bible

Sillaksoarmiut asserorsimaningit, okpertullo piulijauninget asserornartomit.

Davidib imgerutâ imgerutigilugo.

¹ Sillaitut ômattimingne oᴋarput: Gûdeᴋangilak! Piungilet, makkojungnartôlutiglo pinniarninginnut; tagvane ajungitullijoᴋangilak.

² Nâlekab ᴋillangmit Inuit ᴋittorngangit takkonârpait, takkojomamut, kina sillatômangât, Gûdelo apperᴋutigingmangâgo.

³ Illunatigle uniorsivut, illunamassiatiglo ajulerput; tagvane ajungitullijoᴋangilak, attautsemiglonêt.

⁴ Idluitullijut illangallonêt mallugosugomangilak tamattominga? innuᴋotimnik nerrijut, innûgutigilugit, Nâlegarle nipliarvigingilât?

⁵ Tagvane erksivut; Gûde idluartut kinguvarênginêmat.

⁶ Aklujub ᴋajusimaningit mittautigivasse; Gûdele tattigivâ.

⁷ ᴋannoktôk ikajortiksamik tikkitoᴋarle Zionemit Israelitinnut, Nâlekablo innuᴋotine parngnanairsortat piuliligit! Tagva Jako ᴋuviasugajarpok, Israelelo serridlarajarpok.