Imgerut 139 - Labrador Inuttitut Heritage Bible

Erᴋaumanek Gûdemik ajugaᴋangitomik tamainiglo ᴋaujimajomik.

Davidib imgerutâ imgerutigilugo.

¹ Nalegak igvit nautsertorparma illitarilungalo.

² Iksivajarangama nikkovijarangamalonêt, tagva igvit ᴋaujimavat; issumakka tukkisivâttit ᴋaningitomit.

³ Pissugangama inangajarangamalonêt illumavarma; apᴋotigijakkalo tamaita illitarivâttit.

⁴ Ahâgle oᴋautsemik attautsemiglonêt oᴋamnêtoᴋangilak, igvit Nâlegak ᴋaujimangitarnik.

⁵ Sivumut tunnumullo illumavarma, aggaktillo ᴋollimnêtipattit.

⁶ Illitarksinek tamattominga tattaminiarnaluarpok innornarlunelo uvamnut, ipaksijungnangilara.

⁷ Namut aijuksauvîk anernernit? nâmullo ᴋemâjuksauvîk? kênarnit.

⁸ Killaliarajaruma, tagva tagvanêpotit; inniksarsiorajaruma kappianartovingme, ahâk, tagva tagvanênivotit.

⁹ ᴋaub aupalungningata esarᴋunginik tigusinajaruma, iniksarsiorlungalo imarbiksub ᴋaninginerpâb kiglingane;

¹⁰ Tagva tagvanetauk aggakpît tassiorajarpânga, tallerpikpîllo najuminajarpânga.

¹¹ Oᴋarajaruma: Tâktub ulliklinga; tagva unnuaktauk ᴋaumajôjariaᴋarpok avatimne.

¹² Tâktauk tângimat illingne, unnuarlo ᴋaumaivok uvloktut; tâk ᴋaumajotun-ipok.

¹³ Igvit tâktûka aulatikangne; igvit illumalaukparma anânab timingane.

¹⁴ ᴋujagivagit tamanna pivlugo kappianadlartomik tattamnadlartomik sanajaumagama; pinniarnitit tattamnarput, tamannalo tarnima tukkisitsiarpâ.

¹⁵ Saunikka sângne ijersimalaungilat sagvangitome sannajautillunga; adsiliortautillunga nunab inningine atsinerpâne.

¹⁶ Ijikpit takkolaukpânga sannajauᴋârtinanga sulle; uvlullo illûnaita aglaksimalaukput aglaᴋotingne pijuksaulauktut sulle, tâpkoale nalliat pilaungitok sulle.

¹⁷ Ila pivianartoksôvut sâmne, Gûde issumattit! ila unnuktôvaksôvut.

¹⁸ Kittiksarinajarupkit, tagva unnurnersaunajarput siorᴋannit. Tuppaleraiguma illingnêpunga sulle.

¹⁹ Kanoktôk Gûde Gûdeᴋangitut toᴋᴋolaukit, auruktullo ᴋemaijuksaulît uvamnik!

²⁰ Mamaitomik oᴋarnerlotigingmatit; ômigijitillo makkitavut sullinatik.

²¹ Ilâ ômigivakka, Nâlegak illingnik ômisuktut, ningarivakkalo kippalijut illingnik.

²² Omigivakka ômigosungnermut koksasumariktomut, omigijigivakkalo.

²³ Nautsertulaunga Gûde, ômattigalo tukkisileruk; ôktorlaunga, illitarksilutillo ᴋannok issumaᴋarnimnik.

²⁴ Takkolutillo, apᴋomêmangârma idluitome; tassiulaungalo apᴋome issoᴋangitome.