Imgerut 138 - Labrador Inuttitut Heritage Bible

ᴋujalijutiksak Gûdib ikajorninga pivlugo.

Davidib.

¹ ᴋujagivagit ômamut tamânut, Gûdit sânginne nertorlutit imgervigijomavagit.

² Opigosugomavunga Tempeleᴋotingnut ivsornaitomut, sâlunga, attîllo ᴋujagilugo pitsiarnît nertornarnîllo pivlugik; attit tamât tappilugo oᴋautsitit ânanausitilaurangne.

³ Nipliavigijarangapkit, tagva tussarparma, tarnigalo tunnitsivigivet maksoarnermik pitsartunermiglo.

⁴ Attannît nunamêtut illûnatik ᴋujagijomârpâtit Nâlegak, tussaromârunik ᴋannerpît oᴋausinginnik;

⁵ Imgeromârlutiglo Nâlekab apᴋosininginne, Nâlekab opinarninga angijôngmat.

⁶ Nâlegak ᴋotsingmat, takkonârlunelo erᴋanangitunnik, piojorijorlo illitarivâ ᴋanningitomit.

⁷ Kappiasungnerub ᴋerᴋane arvertaruma, tagva nakkoksitiparma, aggaktillo issakpattit ômigijima ningarningenut, ikajorlungalo tallerpingnut.

⁸ Nâlekab serêrtitsomârpâ pivlunga. Nâlegak pitsiarnît issoᴋangilak. Aggakpit pinniarningit kamagijungnaitaililaukit.